ბოსტონის ტერაქტში ბრალდებულმა ჯოჰარ ცარნაევმა გამოძიების ფედერალურ ბიუროს განუცხადა, რომ განხორციელებული დანაშაულის მთავარი იდეოლოგი მისი ძმა ტამერლანი იყო. ტამერლანი პოლიციასთან შეტაკებისას მოკლეს. ცარნაევის განცხადებითვე, ძმები მარტო მოქმედებდნენ და ტერორისტულ დაჯგუფებებთან კავშირი არ აქვთ. ამის შესახებ ინფორმაციას „სი-ენ-ენი" ამერიკის შეერთებული შტატების ხელისუფლების წარმომადგენელზე დაყრდნობით ავრცელებს.
დაკითხვამ, რომელიც ბოსტონის საავადმყოფოში შედგა, დაადასტურა, რომ ჯოჰარი და ტამერლანი რადიკალი ჯიჰადისტები იყვნენ. ტამერლანს, ძმის მტკიცებით, ისლამის დაცვა სურდა, თუმცა, ვისგან, ეს არ დაუკონკრეტებია.
გამოძიება ამჟამად იმას ადგენს, მართლა მარტო მოქმედებდნენ ძმები თუ არა. ამ დროისათვის, აშშ-ის ხელისუფლებამ ცარნაევს ბრალი ოფიციალურად წარუდგინა. მას სასიკვდილო განაჩენი ელის.
