,,გაყიდვების მართვის კომპანია' ფერმერებს და აგროკომპანიებს, რომლებსაც შეღავათიანი აგროკრედიტის მიღება სურთ კონსულტაციებს გაუწევს, ბიზნეს გეგმის და გაყიდვების მართვაში მიეხმარება.
,,ჩვენ ვთვლით რომ ახალი ინიციატივა განკუთვნილია შედარებით გამოუცდელი ფერმერებისთვის და საწარმოებისთვის, რომლებსაც აგროკრედიტის მიღება სურთ, მაგრამ ბანკებთან ურთიერთობაში გარკვეულ სირთულეებს აწყდებიან, ჩვენი კონსულტანტების გუნდი აგროკომპანიებს ბიზნეს პროცესების დაგეგმაში მივეხმარებით. გარდა ამისა ჩვენი სერვისი მოიცავს, კომპანიის სტრატეგიის დაგემვას, რეკლამას და მარკეტინგს, ბრენდის შექმნას და ბაზარზე პოზიციონირებას, გაყიდვების მენეჯმენტს და კრიზისულ მართვას, ბაზრის კვლევების წარმოებას. სერვისი აგროკომპანიებისთვის ხელსაყრელი პირობებით შეგვიძლია, რადგან ჩვენი კომპანია აპირებს აქტიურ თანამშრომლობას EBRD-ის ერთ-ერთ საინტერესო პროგრამასთან, რომელიც საკონსულტაციო სერვისის 50-დან 70%-მდე აფინანსებს. შესაბამისად ეს აგროკომპანიებისთვის მნიშვნელოვანი შეღავათი იქნება' - აცხადებებნ ,,გაყიდვების მართვის კომპანიაში'.
კომპანიის შეფასებით შეღავათიანი აგროკრედიტის პროგრამა მნიშვნელოვანია ქვეყნისთვის, რადგან აგრარული სექტორი კაპიტალის დეფიციტს განიცდის და დაფინანსების ეს წყარო ძალიან ბევრ კომპანია მისცემს გადაიარაღების, ახალი ტექნოლოგიების დანერგვის საშუალებას. ჩვენ ვთვლით რომ ამ პროექტის ერთ-ერთი მნიშვნელოვანი რგოლი უნდა იყოს პროდუქციის რეალიზაცია და გაყიდვების მართვა შიდა და გარე ბაზრებზე. ამ ნაწილში ,,გაყიდვების მართვის კომპანია' აქტიურად იმუშავებს ადგილობრივ მცირე და საშუალო კომპანიებთან.
,,გაყიდვების მართვის კომპანია' 2011 წელს დაფუძნდა და მისი მიზანია ადგიოლობრივი პროდუქციის მხარდაჭერა და პოპულარიზაცია. კომპანიის მიერ შექმნილია სავაჭრო ნიშანი ,,აირჩიე ქართული'. აღნიშნული ნიშნით ამ დროსათვის ბაზარზე ქათული თაფლი ,,მაჭახელას დათუნია', ელიტარული ჩაი და ცისტრუსის ნატურალური წვენები LIVO იყიდება.
,,გაყიდვების მართვის კომპანიის' ინიციატივით და კომპანია ,,გუდვილის' მხარდაჭერით წელიწადში ორჯერ იმართება ქართული პროდუქციის გამოფენა-გაყიდვა დეგუსტაცია ,,აირჩიე ქართული გუდვილთან ერთად'. რიგით მეორე გამოფენა 26-27-28 აპრილს გუდვილის დიდი დიღომის ჰიპერმარკეტში გაიმართება.
აგროკომპანიები რომლებიც დაინტერესდებიან ,,გაყიდვების მართვის კომპანიასთან' თანამშრომლობით შესაძლებელია დაკავშირება შემდეგ კორდინატებზე - www.Cartuli.ge
