საქართველოს საინვესტიციო სააგენტო მონაწილეობას მიიღებს საქართველო-შვეიცარიის ბიზნეს ასოციაციის (GSBA) , საქართველოში გერმანიის ეკონომიკური გაერთიანებისა (DWVG) და ქართულ უკრაინული ბიზნეს კლუბის (GUBC) მიერ ორგანიზებულ სამუშაო შეხვედრაზე, რომელსაც ამ ორგანიზაციების წევრები და წარმომადგენლები დაესწრებიან.
აღნისნული შეხვედრა მრგვალი მაგიდის ფორმატში დღეს სასტუმრო "Betsy"-ში ჩატარდება. ეროვნული საინვესტიციო სააგენტოს დირექტორი, გიორგი პერტაია შეხვედრაზე დამსწრე საზოგადოებას წარუდგენს პრეზენტაციას საქართველოს საინვესტიციო შესაძლებლობებისა და არსებული პრიორიტეტული სექტორების შესახებ.
შეხვედრაზე მხარეები განიხილავენ საქართველოში ბიზნესის წარმოების შესაძლებლობებს და იმსჯელებენ ეკონომიკის სფეროში არსებულ სიახლეებსა და რეფორმებზე.
