„მარნეულის სასურსათო ქარხანას" EBRD-ის დირექტორთა საბჭოს წევრებისგან შემდგარი ფართომასშტაბიანი დელეგაცია ეწვია. სტუმრებმა დაათვალიერეს ქარხანა და საწარმოო პროცესს გაეცნენ. ვიზიტის დასასრულს ევრობანკის წარმომადგენლებმა „მარგებელი ჰოლდინგში" შემავალი „თელეთის ფერმა" მოინახულეს და ჰოლდინგში გაწეული სამუშაოები სოფლის მეურნეობის განვითარების კუთხით დადებითად შეაფასეს.

შეგახსენებთ, რომ 2007 წლიდან ცნობილი ქართული მინერალური წყლის „ნაბეღლავის" მწარმოებელი კომპანიის „წყალი მარგებლის" აქციონერების ინტერესი სოფლის მეურნეობის აღორძინებასა და კვების მრეწველობის განვითარებას დაუკავშირდა. სწორედ ამ პერიოდიდან იწყება „მარნეულის სასურსათო ქარხნისა" და „მარნეული აგროს" ისტორიაც.აღნიშნული კომპანიების გაერთიანება 2009 წლიდან უკვე „მარგებელი ჰოლდინგში" მოხდა. აღსანიშნავია, რომ ევრობანკის (EBRD) ამ პროექტის შეღავათიანი დაფინანსება 18 მილიონი დოლარის ოდენობით სწორედ „ნაბეღლავის" გარანტიით განხორციელდა, რადგან დამოუკიდებლად ამ სფეროსთვის ფაქტობრივად მიუწვდომელი იყო სხვა სახის ფინანსური რესურსი. 2007 წლიდან დღემდე „წყალი მარგებელიდან" 43 მილიონი ლარზე მეტი ინვესტიცია განხორციელდა, რათა ევროპულ სტანდარტებზე დაფუძნებული, სრული ციკლის სასოფლო სამეურნეო წარმოების სისტემის შექმნილიყო. „მარგებელი ჰოლდინგში" ევრობანკის წარმომადგენლების ვიზიტის ძირითად მიზანს, სწორედ აღნიშნულ ინვესტიციის ფარგლებში გაწეული სამუშაოების შეფასება და სამომავლო გეგმების დასახვა წარმოადგენდა.

გია გოგოლაძე, „წყალი მარგებელის" დირექტორი: „მარნეულის" ბრენდის წარმატება „ნაბეღლავის" მრავალწლიანმა ინვესტიციამ და ფინანსურმა მხარდაჭერამ განაპირობა. მოხარულები ვართ, რომ EBRD-მა ქარხნის მდგრადი განვითარების სტრატეგია მნიშვნელოვნად მიიჩნია სოფლის მეურნეობის დარგის განვითარების კუთხით. დღეს საკმაოდ წარმომადგნლობითი სტუმრები გვყავდა - დელეგაცია ლონდონიდან. რამდენიმე წლის წინ ევრობანკთან ერთად დავიწყეთ საინვესტიციო პროექტი. ჰოლდინგში განხორიცლებულია 43 მილიონიანი ინვესტიცია. დღეს ევრობანკის წარმომადგენლებმა დაათვალიერეს რა გაკეთდა, რას მივაღწიეთ, მოიწონეს გაწეული სამუშაოები, ვისაუბრეთ სამომავლო გეგმებზე. ვიზიტისას აღინიშნა, რომ მგდგრადი განვითარებისთვის აუცილებელია დამატებითი ინვეტიციები, და უფრო მნიშვნელოვანი რომ ეს პროცესი იყოს უწყვეტი, რათა მუდმივად ვიყოთ კონკურენტუნარიანები როგორც მსხვილ კომპანეიბთან, ასევე იმპროტთან მიმართებაში. სანაცვლოდ ჩვენ ვპირდებით, რომ ქვეყანაში აუცილებლად გავნითარდება აგრო სექტორი."

ირინე გაფრინდაშვილი, „მარნეულსი სასურსათო ქარხნის" დირექტორი: „ევრობანკმა 2007 წელს მონაწილეობა მიიღო ქარხნის დაფუძნების დაფინანსებაში. შესაბმაისად, მათი ვიზიტის მიზანი იყო ჩვენი მხრიდან გაწეული სამუშაობის შეფასება. ჩვენ მათ გავაცანით ქარხნის განვითარების სტრატეგიული გეგმა და სამომავლოდ განსაზღვრული აქტივობები ისინი დახმარებასა და სერიოზული პროექტების დაფინანსებას დაგვპირდნენ. მათი ვიზიტი ამ კუთხით საკმაოდ მნიშვნელოვანია. „ევრობანკის" წარმომადგენელებმა საკუთარი თვალით ნახეს, თუ რაში დაიხარჯა მათი ინვესტიცია. როგორი წარმატებულია კომპანიაა „მანეულის სასურსათო ქარხანა".

მიხეილ სვიმონიშვილი, „მარგებელი ჰოლდინგის" ხელმძღვანელი: „ჩვენი მიზანია ქვეყანაში იმპროტირებული პროდუქციის ქართულით ჩანაცვლება. მომხმარებელს ვაძლევს საშუალებას აირჩიოს 100 პროცენტით ქართული პროდუქცია. დავანახოთ რომ ეს მიღწევადია. ჩვენი მთავარი ამოცანა იყო, არსებული მითი დაგვემსხვრია, თითქოსდა საქართველოში წარმოება შეუძლებელია და ასევე შეუძლებელია კონკურენცია გაუწიო თურქეთს, ჩინეთს. ჩვენ ეს ამოცანა ამოვხსენით, ჩვენ ვართ პიონერები და ფლაგმანები სოფლის მეურნეობის სხვადასხვა დარგში, როგორიცაა მეცხოველეობა, მებოსტნეობა და პროდქუციის წარმოება. ამასთან, უკვე 4 წლიანი ეტაპი გავიარეთ, შევიძინეთ ცოდნა, პირობას ვდებთ ქართული მომხმარებლის წინაშე სულ მალე იმპორტირებული პროდუქციას სრულად ჩავანცვლებთ ქართული პროდუქციით."

ჯონათან ოკენდენი, ევრობანკის დირექტორთა საბჭოს წევრი: „დავათვალიერეთ საწარმო. მართლაც მოხარული ვარ რომ ჩვენი მხრიდან გაწეულმა ინვესტიციამ შედეგი გამოიღო. საწარმო მართლაც წარმატებულია, ის აღჭურვილია თანამედროვე დანადგარებით. პროდუქციის წარმოებისას გამოყენებულია მაღალი დონის ტექნოლოგია. ეს ყველაფერი ჩვენი თვალით ვიხილეთ. მზად ვართ მომავალშიც დავეხმაროთ და საკამოდ მსხვილი პროექტებიც დავუფინანსოთ. "
„მარნეულის სასურსათო ქარხანა" „მარგებელი ჰოლდინგის" ნაწილია, რომელიც 2007 წელს დაარსდა და საქართველოში ერთ-ერთი უმსხვილესი საწარმოა. ქარხანა, რომელიც ევროპული სტანდარტების მქონე დანადგარებითაა აღჭურვილი, 50-მდე დასახელების ქართული ნედლეულისგან დამზადებულ, ნატურალურ და გემრიელ საკონსერვო პროდუქტს უშვებს. ქარხანას ნედლეულით ჰოლდინგში შემავალი კომპანია „მარნეული აგრო" და ადგილობრივი მცირე სასოფლო მეურნეობები ამარაგებენ. საწარმოს ტექნიკური შესაძლებლობა, ადგილობრივი ნედლეულის მაღალ ხარისხთან ერთად, ქართულ ბაზარზე უალტერნატივო პროდუქტს სთავაზობს. ქილაში ჩადებული თითოეული პროდუქტი ქართულ მიწაზეა მოყვანილი და 100 პროცენტით ქართულია. შესაბამისად, M ნიშანი საქართველოში ხარისხისა და ჯანსაღი საკვების სინონიმად იქცა.