ყარაბაღის კონფლიქტის გადაწყვეტის საქმეში საქართველოს მიერ აზერბაიჯანის მხარდაჭერამ შესაძლოა ჯავახეთში პრობლემები წარმოქმნას. ეს განცხადება რუსმა პოლიტიკურმა მიმომხილველმა ივან სუხოვმა აზერბაიჯანულ მედიასთან საუბარში ყარაბაღის კონფლიქტში საქართველოს როლის კომენტირებისას გააკეთა. ამავე დროს, ექსპერტი არ ეთანხმება ზოგი მისი კოლეგის მიერ გამოთქმულ მოსაზრებას იმის შესახებ, რომ საქართველოსათვის ყარაბაღის კონფლიქტის გადაწყვეტა მომგებიანი არ არის.
"განსაზღვრულია, რომ საქართველოსათვის აზერბაიჯანთან ურთიერთობა სომხეთთან ურთიერთობაზე მნიშვნელოვანია და საქართველოს პოლიტიკური ელიტის ნაწილი მთიანი ყარაბაღის ირგვლივ არსებულ აზერბაიჯანულ პოზიციას უთანაგრძნობს - განსაკუთრებით იმის გამო, რომ მათ საერთო აქვთ ტერიტორიული პრობლემები.
მაგრამ საკითხი დააყენო ისე რომ საქართველოსათვის ყარაბაღის კონფლიქტის გადაწყვეტა მომგებიანი არ არის - არაკორექტულია. უპირველეს ყოვლისა იმის გამო, რომ ამ საკითხში დაკონკრეტებული არ არის, ის თუ კონკრეტულად რა გადაწყვეტაზეა საუბარი.
დღეისათვის ყარაბაღის პრობლემას ისეთი გადაწყვეტა არ გააჩნია, რომელიც ყველა მხარისათვს ერთნაირად მომგებიანი იქნებოდა. ამიტომაც ახლა განხილვა იმისა, რომ საქართველოს ეს აწყობს თუ არა ნაადრევია", _ აცხადებს "ვესტი.აზ"-ის მოსაუბრე და აღნიშნავს, რომ მომავლის პერსპექტივაში ამ კონფლიქტის გადაწყვეტა რა თქმა უნდა რეგიონის ყველა ქვეყნისათვის ხელსაყრელი იქნებოდა.
"ყარაბაღის პრობლემის სახედრო გზით გადაწყვეტა საქართველოსათვის ობიქტურად არამომგებიანი იქნებოდა: ის დაინტერესებულია სომხეთთან პარტნიორული ურთიერთობების შენარჩუნებითა და სულ მცირე რუსეთთან ეკონომიკური ურთიერთობების აღდგენით.
ომი ყარაბაღში არა თუ დაანგრევს საქართველო-სომხეთის ურთიერთობებს, არამედ მან შესაძლოა პროვოცირება მოახდინოს კონფლიქტისა ჯავახეთში, განსაკუთრებით, კი მაშინ თუ საქართველო ამ კონფლიქტში აზერბაიჯანის მხარის დაკავებას შეეცდება. თუნდაც განცხადების დონეზე, რომ ის აზერბაიჯანს უჭერს მხარს, უკვე აღარაფერს ვამბობ სამხედრო ლოჯისტიკის მონაწილეობაზე.
იმის გათვალისწინებით, თუ რამხელა ინტერესი გააჩნიათ რუს ანალიტიკოსებს ჯავახეთში არსებული კონფლიქტური პოტენციალის მიმართ, ეს სიუჟეტი, რომელიც შეიძლება ახლა თავისი სიმძაფრით სულაც არ გამოირჩევა, შესაძლოა საქართველოსათვის ეგზისტენციალური გამოწვევა გახდეს", _ აცხადებს ექსპერტი და ვარაუდობს, რომ ყოველივე ამის გამო, საქართველომ მომავალშიც შესაძლოა ნეიტრალური პოზიცია დაიკავოს.
ამას გარდა, ექსპერტის აზრით, მოსკოვში არის გაგება იმისა, რომ აფხაზეთის გავლით საქართველოს რკინიგზის სომხეთამდე შემდეგ კი პოტენციურად თურქეთამდე აღდგენა აუცილებელია.
"საქართველოს რეალურად დაინტერესებულია ასეთი გზით, რომელიც გაზრდის და გააფართოვებს მის სატრანზიტო შესაძლებლობებს და დააკავშირებს მას აფხაზეთთან, რომელიც ახლა თბილისისათვის შეუღწევადია და იმის მიუხედავად, რომ ამ სარკინიგზო პროექტს აზერბაიჯანი დიდი შტაგონებით არ უყურებს, საქართველო დიდი ალბათობით მაინც მხარს დაუჭერს რუსეთის ძალისხმევას ამ მიმართულებით. ამავდროულად, თუ გზა აღდგენილი იქნება სომხური პოზიცია ყარაბაღის მიმართულებით გაძლიერდება", _ აცხადებს ექსპერტი და აღნიშნავს, რომ რაც შეეხება ყარაბაღია კონფლიქტის გადაწყვეტას ამ საკითხში უახლოეს მომავალში ძვრები მოსალოდნელი არ არის.
