ბიძინა ივანიშვილის მთავრობის ერთ-ერთი პრიორიტეტი ფასიანი ქაღალდების ბაზრის განვითარება იქნება. ეკონომიკისა და მდგრადი განვითარების მინისტრის გიორგი კვირიკაშვილის განმარტებით, ფინანსურ სექტორში ყველაზე კარგად საბანკო სექტორია განვითარებული, მას ჩამორჩება სადაზღვეო ბაზარი. მინისტრის თქმით, ფინანსურ სექტორში რაც ვერ განვითარდა ეს ფასიანი ქაღალდების ბაზარია და მთავრობა ამ მიმართულებით აუცილებლად იმუშავებს.
"ერთ-ერთი ჩვენი მთავარი ამოცანა არის, რომ ქვეყანაში ფასიანი ქაღალდების ბაზარი განვავითაროთ. ეს არის ჩვენი ერთ-ერთი პირიორიტეტი"- აცხადებს ეკონომიკისა და მდგრადი განვითარების მინისტრი გიორგი კვირიკაშვილი.
