პაატა დავითაიას აგვისტოს ომის შემსწავლელი საპარლამენტო კომისიის შექმნა მიზანშეუწონლად მიაჩნია. როგორც მან დღეს "პირველი რადიოს" რადიოკლუბში აღნიშნა, გაუგებარია, რატომ უნდა შეიქმნას ერთდროულად ორი საგამოძიებო კომისია პარლამენტსა და პროკურატურაში.
მისი თქმით, ის ითანამშრომლებს ყველა სახის კომისიასთან, მაგრამ აქვს ეჭვი, რომ ხელისუფლება წინასაარჩევნო დაპირებებს ვერ ასრულებს,მსგავსი თემების წინ წამოწევა კი, ამიტომ ხდება.
"დაანებონ თავი პოლიტიკურ განცხადებებს. გუშინ საღამოს ჩემთვის გახდა ცნობილი პროკურორის განცხადება, რომ შეიქმნება საგამოძიებო ჯგუფი პროკურატურაში. მივესალმები ამას, იმიტომ რომ მან ხაზი გაუსვა, რომ სამართლებრივ გამოძიებაზეა საუბარი", - განაცხადა დავითაიამ.
მისივე თქმით, იმასთან დაკავშირებით, რომ თითქოს პარლამენტშიც უნდა შეიქმნას კომისია, უმრავლესობის ლიდერის დავით საგანელიძის საუბარზე ძალიან იხალისა.
"თუ ის ქმნის საპარლამენტო კომისიას, ეს მხოლოდ პოლიტიკური პიარია და სასაცილოა. ტალიავინმაც კი ვერ აღმოაჩინა ის პუნქტები, დანაშაულებრივი ქმედებები, რაც არის ამ ქვემდებარეობის ქვეშ. რომ აღმოეჩინა ის გადააგზავნიდა ჰააგის საერთაშორისო სისხლის სამართლის პროკურატურაში", - განმარტა მან.
პროკურატურაში აგვისტოს ომის შემსწავლწელი საგამოძიებო კომისიის შექმნის შესასხებ გუშინ, მტავარმა პროკურორმა არჩილ კბილაშვილმა განაცხადა.
მისი თქმით, ამ თემაზე შესაძლოა, დაიკითხოს პრეზიდენტი და ყველა ის პირიც, ვის დაკითხვასაც გამოძიება გადაწყვეტს.
