თამბაქოს ნაწარმი შესაძლოა, გაძვირდეს - ამის შესახებ ჯანდაცვის მინისტრმა დავით სერგეენკომ დღევანდელ ბრიფინგზე განაცხადა. როგორც მან აღნიშნა, თამბაქოსა და ალკოჰოლზე კონტროლი და შეზრუდვები დაწესდება. მისი თქმით, თამბაქოს გაძვირებასთან ერთად, გამკაცრდება კონტროლი ამ ნაწარმის არასრულწლოვანთთვის მიყიდვასთან დაკავშირებით.
"შესაძლებელია, რომ მოხდეს თამბაქოს ნაწარმის გაძვირება მისი აქციზური ღირებულების გაზრდის სახით. ეს არის საერთაშორისო კონვენციის ნაწილი და აუცილებლად იქნება განხილული, როგორც თამბაქოზე მიწვდომადობის შემცირების ქმედითი ღონისძიება და ის იქნება წინასწარ გაწერილი გრაფიკის, მინიმუმ 5-წლიანი გრაფიკის მიხედვით", - განაცხადა სერგეენკომ.
მისივე თქმით, წლების მიხედვით იქნება გაწერილი, თუ როგორ შეიცვლება გაზრდისკენ თამბაქოს სააქციზო ღირებულება.
"ვგაწერილი იქნება თუ ვინ უნდა განახორციელოს ამაზე კონტროლი, რომ მომხმარებელი 18 წლამდე არ უნდა მონაწილეობდნენ ალკოჰოლის და თამბაქოს ნაწარმის დისტრიბუციაში. ის, რომ გარკვეული დისტანცია უნდა იყოს საშუალო სკოლებიდან დაშორება. ამ კონტროლს მოიცავს, რომ მოზარდებზე თამბაქოს და ალკოჰოლის გავლენა არ მოხდეს", - განაცხადა მინისტრმა.
ამასთან, აღნიშნული ინიციატივა გუშინ პრემიერ-მინისტრმა ბიძინა ივანიშვილმა გაახმაურა
