ამერიკული საფინანსო ორგანიზაციის ანალიტიკოსებს მიაჩნიათ, რომ ევროპის ცენტრალურმა ბანკმა, 500-ევროიანი კუპიურები მიმოქცევიდან უნდა ამოიღოს. ბანკირების განცხადებით, ამ ქმედებით, შესაძლებელია ევროს კურსის შემცირება, რაც ადგილობრივი ექსპორტიორებისთვის და მთლიანი შიდა პროდუქტის ზრდისთვის ხელსაყრელია. ეს ნაბიჯი ევროკავშირში ორგანიზებულ დანაშაულთან ბრძოლას ხელს შეუწყობს.
ამერიკული საფინანსო ორგანიზაციის ანალიტიკოსებს ხუმრობით აღნიშნავენ, რომ „500-ევროანი კუპიურა ბინ ლადენს ჰგავს - ყველამ იცის, რომ ის არსებობს, მაგრამ არავის უნახავს".
500-ევროიანი კუპიურები მიმოქცევაში 2002 წელს, სხვა ნომინალის კუპირებთან ერთად გამოვიდა. ევროპის ცენტრალურმა ბანკმა უკვე არაერთხელ განაცხადა, რომ აღნიშნული ნომინალის კუპიურა ეკონომიკაში მნიშვნელოვან როლს ასრულებს და მათ ამოღებას მარეგულირებელი არ გეგმავს.
მსოფლიოს 10 ყველაზე პოპულარული ვალუტის კუპიურებს შორის, 500-ევროიანი კუპიურა, ყველაზე „ძვირფასია". აშშ დოლარის შემთხვევაში, ყველაზე მსხვილი კუპიურა $100-იანია, ხოლო ბრიტანული ფუნტი სტერლინგის - 50-ფუნტიანი.
