,,დღეს საქართველოს პრემიერმა პირველად აღიარა, რომ საქართველოს ეკონომიკა კრიზისში იმყოფება", -განაცხადა ჟურნალისტებთან ,,ნაციონალური მოძრაობის" გენერალურმა მდივანმა ივანე მერაბიშვილმა პარტიის ოფისში გამართულ პრესკონფერენციაზე და აღნიშნა, რომ ყოველდღიურად იზრდება უმუშევარი ადამიანების რიცხვი.
,,ახალი ხელისუფლების შვიდთთვიანი მმართველობის თავზე დღეს საქართველოს პრემიერმა პირველად აღიარა, რომ საქართველოს ეკონომიკა იმყოფება კრიზისში. ძალიან სამწუხაროა, რომ დღეს უკვე ყველასთვის თვალნათელი გახდა, რომ ქვეყანაში არის კრიზისი, შემცირებულია ვაჭრობა, გაიზარდა უმუშევრობა და ჩვენ, სამწუხაროდ, სერიოზული საფრთხის წინაშე ვდგავართ", -განაცხადა მერაბიშვილმა და აღნიშნა, რომ ეკონომიკური საკითხები ის თმა, როცა ხელისუფლებამ ყველასთან უნდა ითანამშრომლოს, მათ შრის ოპოზიციასთან.
მერაბიშვილის განცხადებით, წინა ხელისუფლებამ გვიან დაიწყო ყველაზე მთავარი პრობლემის უმუშევრობის მოგვარებაზე ფიქრი. როგორც მერაბიშვილმა ჟურნალისტებთან განმარტა ყველა ხელისუფლებისთვის ერთ-ერთი მთავარი გამოწვევაა დასაქმების პრობლემის მოგვარებაა.
,,ხელისუფლებას მოუწოდებ ისწავლოს ჩვენ შეცდომებზე მაინც. ჩვენ დაგვიგროვდა ქვეყნის მართვის საკმარისი გამოცდილება, ეკონომიკური განვითარების და გარკვეული გამოცდილება დაგვიგროვდა უმუშევრობის გადა დასაქმების პროგრამის განხორციელებაში", -განაცხადა მერაბიშვილმა და აღნიშნა, რომ ,,ნაციონალური მოძრაობა" უახლოეს პერიოდში გამოქვეყნებს პროგრამას ქვეყნის ეკონომიკური კრიზისიდან გამოსაყვანად.