,,ხელისუფლება ყველაფერს გააკეთებს, რომ ქვეყნის მთავარი ისტორიული მონაპოვარი დამოუკიდებლობა არასდროს დადგეს კითხვის ქვეშ", -ამის შესახებ პრემიერ-მინისტრმა ბიძინა ივანიშვილმა ყოფილი პარლამენტის შენობასთან განაცხადა, სადაც 1989 წლის და 1991 წლის 9 აპრილს უზენაესი საბჭოს წევრები და მოქმედი პარლამენტის დეპუტატები იხსენებენ.
"1991 წლის 9 აპრილს პარლამენტის შენობაში ხელი მოეწერა დამოუკიდებლობის აქტს, ეს მოხდა მაშინ როცა არსებობდა საბჭოთა წეს-წყობილება და ის არსებობდა ძლიერად და აჩვენებდა საკუთარ ძალას. მაშინდელი გადაწყვეტილება გმირობის ტოლფასი იყო, რადგან მაშინ იმპერია ყველაფრისთვის იყო მზად, რომ A საქართველოსთვის დამოუკიდებლობის საშუალება არ მიეცა. ხალხის მხრიდან იყო მზაობა ნებისმიერ განსაცდელზე წასულიყვნენ, ამის მაგალითი იყო 1989 წლის 9 აპრილი როცა ქვეყნის დამოუკიდებლობისათვის გამოსული ხალხი იმპერიისგან მკაცრად დაისაჯა. ამის შემდეგ ჩატარდა რეფერენდუმი და საქართველოს მოსახლეობამ ხმა მისცა დამოუკიდებლობის აღდგენას", - განაცხადა პრემიერ მინისტრმა და აღნიშნა, რომ დამოუკიდებლობის გამოცხადება საქართველოს მაშინდელი ხელისუფლებისა და ქვეყნის პირველი პირის ზვიად გამსახურდიას მხრიდან გმირობის ტოლფასი იყო.
