უშიშროების საბჭოს მდივანი გიგა ბოკერია იუსტიციის მინისტრ თეა წულუკიანის განცხადებებს პოლიტიკურ ბოდვას უწოდებს.
როგორც მან აღნიშნა, თეა წულუკიანის განცხადებები უპასუხისმგებლოა.
"თქვენ მოისმინეთ მორიგი, ოღონდ ამჯერად მსხვილი კალიბრის უპასუხისმგებლო ჩვენი ქვეყნის ნაციონალური ინტერესების, ხაზს ვუსვამ - პარტიის კი არა, ჩვენი ქვეყნის ნაციონალური ინტერესების საპირისპირო განცხადებები მინისტრი წულუკიანისგან", - განაცხადა ბოკერიამ.
მისივე თქმით, იგივე ვრცელდება მეორე განცხადებებზეც, ID ბარათებთან დაკავშირებით, რადგან ეს სამოქალაქო სახელმწიფოს ფუნდამენტური პრინციპების საწინააღმდეგო განცხადებაა.
"ერთადერთი შეფასება, რაც მე მომდის თავში პირადად, ამ მინისტრის გამონათქვამების შემხედვარე, ეს არის პოლიტიკური ბოდვა. სხვა შეფასება სამწუხაროდ, არ არსებობს", - განაცხადა გიგა ბოკერიამ.
იუსტიციის მინისტრმა აგვისტოს ომთან დაკავშირებით პრეზიდენტის დაკითხვის აუცილებლობაზე გუშინ, ჟურნალისტებთან კიდევ ერთხელ ისაუბრა.
როგორც თეა წულუკიანმა განაცხადა, აგვისტოს ომთან დაკავშირებით ბევრი სხვა ყოფილი მაღალჩინოსანიც დაიკითხება.
მისივე თქმით, თუ ამ საქმეს ქართული მხარე ვერ გამოძიებას მას ჰააგის სასამართლო გამოიძიებს.