დღეს, 6 აპრილს საქართველოს ფინანსთა მინისტრის მოადგილემ, გიორგი ჯავახიშვილმა და ფინანსთა სამინისტროს მომსახურების სააგენტოს გენერალურმა დირექტორმა, ზურაბ ახალკაციშვილმა გამწვანების აქციაში მიიღეს მონაწილეობა.
აქციის ფარგლებში, ფინანსთა სამინისტროსა და მომსახურების სააგენტოს თანამშრომლებმა შვილებთან ერთად, დიღმის ტყე-პარკში 50 ცალი ცაცხვისა და 100 ცალი ფიჭვის ჯიშის ნერგი დარგეს.
„ფინანსთა სამინისტროსა და მომსახურების სააგენტოს თანამშრომლებმა გადავწყვიტეთ მოგვეწყო გამწვანების აქცია და დღეს 150 ნერგი დავრგეთ დიღმის ტყე-პარკის ტერიტორიაზე. თითოეული ჩვენგანისთვის დიდი პატივია პატრიარქის კურთხევით ასეთი მადლიანი საქმის კეთება",- განაცხადა საქართველოს ფინანსთა მინისტრის მოადგილემ, გიორგი ჯავახიშვილმა.
ფინანსთა სამინისტროს მომსახურების სააგენტოს გენერალური დირექტორის, ზურაბ ახალკაციშვილის განცხადებით, მათი უწყება გარემოს დაცვის ხელშეწყობის მიზნით მომავალშიც განაგრძობს მსგავსი აქციების ორგანიზებას.
მასალის გამოყენების პირობები
