საქართველოს მთავრობა ქვეყნიდან სირიაში საწვავის შეტანის ფაქტს იკვლევს. როგორც სააგენტო "ჯი-ეიჩ-ენს" ეკონომიკისა და მდგრადი განვითარების სამინისტროში განუცხადეს, ფაქტი დადგენის მიზნით მიმდინარეობს მოკვლევა, უფრო ზუსტად სტატისტიკური მონაცემების დამუშავება. როგორც ეკონომიკისა და მდგრადი განვითარების სამინისტროში განმარტავენ, სამინისტროს მხრიდან ხდება საქართველოს ნავსადგომებიდან გასული და საქართველოს ნავსადგურებში შემოსული ხომალდების მოძრაობის ტრაექტორიის მოკვლევა და ასევე ხდება იმ ტვირთების შესწავლაც, რითაც ეს ხომალდები იყო დატვირთული.
თუ კი მოკვლევა დაადგენს, რომ გავრცელებული ინფორმაცია სიმართლეს შეესაბამება და საქართველოს გავლით სირიაში ნავთობის შეტანა ხდებოდა, მაშინ საქმე საგამოძიებო სტრუქტურებს გადაეგზავნება.
შეგახსენებთ, რომ გავრცელებული ინფორმაციით, ამერიკული მხარის მიერ ჩატარებული კვლევებით დადგინდა, რომ საქართველოს კუთვნილ ხომალდებს სირიაში ნავთობი შექონდათ
