ბილაინის აბონენტთა მომსახურების ოფისი დღეიდან რუსთავში დაიწყებს ფუნქციონირებას.
საქართველოში ყველაზე დინამიურად მზარდი მობილური ოპერატორი ბილაინი რუსთავში არსებულ მცირე საოჯახო ტიპის ბავშვთა სახლთან ერთად კორპორაციული სოციალური პასუხისმგებლობის აქციას" ნათელი ფერები ბავშვებს" განაგრძობს.
აქციის განმავლობაში, 5 აპრილიდან 5 მაისის ჩათვლით, ბილაინის ნებისმიერი აბონენტი, ვინც მობილურ ტელეფონს ან სასტარტო პაკეტს ბილაინის ქ.რუსთავში ახლადგახსნილ აბონენტთა მომსახურების ოფისში შეიძენს, სოციალური პასუხისმგებლობის აქციის მონაწილე გახდება.
მობილური ტელეფონის ღირებულებიდან 1 ლარი, ხოლო ნებისმიერი სასტარტო პაკეტიდან 50 თეთრი ქ. რუსთავში არსებულ მცირე საოჯახო ტიპის ბავშვთა სახლს მოხმარდება .
აქციის დეტალებს 5 აპრილს, 13.00-ზე ბილაინის წარმომადგენლები რუსთავში ბილაინის აბონენტთა მომსახურების ახლადგახსნილ ოფისში (ქ.რუსთავი,მეგობრობის გამზ. 10) მედიის წარმომადგენლებს გააცნობენ.
"როგორც დაგპირდით "ნათელი ფერები ბავშვებს" არ არის ერთჯერადი ინიციატივა, პროექტი რამდენიმე წელია რაც დავიწყეთ და მის ფარგლებში 10-ზე მეტ ბავშვთა სახლს დავეხმარეთ" - განაცხადა ბილაინის გენერალურმა დირექტორმა გიორგი ტყეშელაშვილმა.
"სოციალური პასუხისმგებლობის აქცია ნათელი ფერები ბავშვებს, უკვე სამი წელია ხორციელდება როგორც თბილისში, ისე სხვა და სხვა რეგიონში. ჩვენი მიზანია, რომ ჩვენს მიერ წამოწყებული საქმე, რაც ამ შემთხვევაში ბავშვთა ზრუნვას გულისხმობს, ბოლომდე მივიყვანოთ, და ერთჯერადი აქტივობებით არ შემოვიფარგლოთ" - თეონა ბაღდავაძე, საზოგადოებასთან ურთიერთობის მენეჯერი
