სახელმწიფო კომპანია, რომელიც რეგიონების მოსახლეობის გაზიფიცირებისთვის უნდა შეიქმნას სავარაუდოდ, მთავრობის სარეზერვო ფონდიდად დაფინანსდება.
ამის შესახებ ენერგეტიკის მინისტრმა კახა კალაძემ საპარლამენტო უმცირესობის წევრებთან შეხვედრისას განაცხადა.
"ან სარეზერვო ფონდიდად, ან ბიუჯეტიდან. ენერგეტიკის სამინისტროს ამის რესურსი არ გააჩნია. ვერ გეტყვით თანხების მოცულობას, მაგრამ ერთ თვეში გეტყვით 2013 წელს რა გაკეთდება, 2014-ში რა გაკეთდება, რა მოცულობიე სიქნება, რა თანხები დასჭირდება და 2015 წელს რა იქნება", - განაცხადა კალაძემ.
უმცირესობის წევრმა ირმა ნდარირაშვილმა აღნიშნულ საკითხთან დაკავშირებით განაცხადა, რომ ამ ტემპებით თუ გაგრძელდა მუშაობა მაშინ, როცა ჯერ კომისიის შესაქმნელად ტენდერიც არ არის გამოცხადებული, გამოდის, რომ მთავრობას მოსახლეობის გაზიფიცირება წინასაარჩევნოდ მოუწევს.
ნადირაშვილმა მინისტრს ურჩია, რომ წინასაარჩევნოდ მაინც გააკეთონ რამე.
ენერგეტიკის მინისტრმა უმცირესობასთან შეხვედრისას აღნიშნა, რომ მოსახლეობის გაზიფიცირება სრულად 2015 წლამდე დასრულდება, ამისთვის კი, სახელმწიფო კომისია შეიქმნება, რომელიც უკვე დაწყებულ სამუშაოებს დაასრულებს.
