,არ მესმის რატომ ითხოვენ ჩვენი თანამშრომლისგან ნარკოტესტის ჩატარებას", -განაცხადა შს მინისტრმა ირაკლი ღარიბაშვილმა საიას მოთხოვნის კომენტირებისას.
,,მე არ მესმის უბრალოდ რატომ ითხოვენ ჩვენი თანამშრომლისგან ნარკოტესტის ჩატარებას. როგორ მოგეწონებათ, რომ მე მოვითხოვო საიას თანამშრომლების, ან სხვა ორგანიზაციის, სხვა სამინისტროს თანამშრომლებისგან ნარკოლოგიური ტესტის ჩაბარება. ალბათ გახსოვთ, რომ რამდენიმე თვის წინ მე ვიყავი ინიციატორი და პირველმა მე და ჩემმა მოდგილეებმა ჩავაბარეთ ნარკოტესი. აბსოლუტურად ყველა სამმართველოს, დეპარტამენტის ხელმძღვანელებმა ჩააბარეს ნარკოტესტი, მათ შორის ვალერიან თელიამ", _განაცხადა ღარიბაშვილმა და აღნიშნა, რომ ამ თემის ირგვლივ ,,ჭიქაში ქარიშხალია" ატეხილი.
შს მინისტრის განცადებით, ვალერიან თელია, რომელიც ჯანმრთელობის მდგომარეობის გაუარესების გამო კლინიკაშია მოთავსებული მალე გამოვა და მუშაობას გააგრძელებს.
,,ვალერიან თელია 24-საათის განმავლობაში ზრუნავს აჭარის მოსახლეობის უსაფრთხოებაზე", _განაცხადა ღარიბაშვილმა.
შეგახსენებთ, რომ საია აჭარის პოლიციის სამმართველოს უფროსისთვის ნარკოტესტის ჩაბარებას მოითხოვს.
