პარლამენტში დეპუტატები საზოგადოებრივი მაუწყებლის ბორდის დაკომპლექტების წესის შესახებ მსჯელობენ. როგორც საპარლამენტო უმრავლესობის წევრმა ელისო ჩაფიძემ აღნიშნა, საკითხის განსახილველად აბსოლუტურად ყველა მხარე მოიწვია.
მისი თქმით, უმრავლესობის მთავარი მიზანია უკეთესი საზოგადოებრივი მაუწყებელი მიიღოს, რომელიც პოლიტიკური გავლენებისგან იქნება თავისუფალი.
"რომლის წარმომადგენლებიც არ დაინიშნებიან აღმასრულებელ ხელისუფლებაში მყისვე მაღალ თანამდებობებზე და პოზიციებზე. ჩვენთვის არსებითი მნიშვნელობა, თუ ვინ წარადგენს კონკრეტულად საბჭოს წევრებს, არ აქვს", - განაცხადა ჩაფიძემ.
საზოგადოებრივი მაუწყებლის ბორდის დაკომპლექტების წესის შესახებ შეთავაზებული ცვლილებების მიხედვით, მაუწყებლის ბორდის 3 წევრს საპარლამენტო უმრავლესობა წარადგენს, 3 წევრს უმცირესობა, მათ შორის დამოუკიდებელი დეპუტატები, ხოლო 2-ს სახალხო დამცველი წარადგენს.
ამასთან, საპარლამენტო უმრავლესობის წევრ ანი მიროტაძეს გამოდის ინიციატივით, რომ სახალხო დამცველმა მხოლოდ ერთი წევრი წარადგინოს, ერთი კი თავად მაუწყებელმა თანამშრომლებიდან შეარჩიოს.
აღნიშნულ საკითხთან დაკავშირებით, შენიშვნები აქვს ასევე, საპარლამენტო უმცირესობას. ისინი საზოგადოებრივი მაუწყებლის ბორდის ამ სახით დაკომპლექტებას არ ეთანხმებიან.