ერაყის მთავრობამ „ალ-ქაიდას" ყოფილი მეთაური და დაჯგუფების სამი წევრი სიკვდილით დასაჯა. ოთხივე მათგანს სიკვდილით დასჯა, 2010 წელს დაპატიმრების შემდეგ მიესაჯა.
„ალ-ქაიდას" ყოფილ მეთაურს მუნაფ ალ-რავისს, ბაღდადში განხორციელებული ტერორისტული აქტის მეთაურობა ედებოდა ბრალად, რომლის დროსაც ასობით მშვიდობიანი მოქალაქე დაიღუპა.
2003 წელს, ერაყში აშშ-ის შეიარაღებული ძალების შესვლიდან, გარკვეული დროის განმავლობაში სიკვდილით დასჯა შეწყვეტილი იყო. თუმცა 2004 წელს ქვეყნის მთავრობამ დასჯის ეს ფორმა კვლავ აღადგინა.0
ერაყში გაეროს მისია, ევროკავშირი და ადამიანთა უფლებათა დაცვის საერთაშორისო ორგანიზაციები ბაღდადს მოუწოდებენ, ადამიანთა სიკვდილით დასჯა შეწყვიტოს, თუმცა თავის მხრივ ერაყი აცხადებს, რომ ამ ფორმით ძალადობის შემცირებას შეუწყობს ხელს.
