ვენესუელას საპრეზიდენტო არჩევნებზე ორი ძირითადი კანდიდატი გამოიკვეთა. საპრეზიდენტო არჩევნები 14 აპრილს არის დანიშნული, სადაც კონკურენციას ერთმანეთს, პრეზიდენტობის მოვალეობის შემსრულებელი ნიკოლას მადურო და ოპოზიციური კანდიდატი ენრიკე კაპრილესი გაუწევენ.
პრეზიდენტობის ოპოზიციური კანდიდატი ენრიკე კაპრილესი მოქმედ პრეზიდენტობის შემსრულებელს, ძალაუფლების ბოროტად გამოყენებაში ადანაშაულებს და აღნიშნავს რომ ნიკოლას მადურო ადგილობრივ მედიას, მის სასარგებლოდ იყენებს.
თავის მხრივ, კომუნიკაციების მინისტრმა ერნესტო ვილეგასმა, ენრიკე კაპრესლასს სახელმწიფო ტელევიზიასთან ინტერვიუ შესთავაზა, თუმცა პრეზიდენტობის კანდიდატმა უარი განაცხადა და საზოგადოებრივი მედია მიკერძოებასა და მის წინააღმდეგ პროპაგანდაში დაადანაშაულა.
შეგახსენებთ, რომ უგო ჩავესს ავთვისებიანი სიმსივნის დიაგნოზი 2011 წლის დასაწყისში დაუსვეს. ამის შემდეგ, მას კუბაში რამდენიმე ოპერაცია ჩაუტარდა და თვეების მანძილზე ქიმიოთერაპიის კურსს გადიოდა. მიუხედავად ავადმყოფობისა, ჩავესმა 2012 წლის ოქტომბრის არჩევნებში გაიმარჯვა. 58 წლის უგო ჩავესი 1999 წლიდან ვენესუელას პრეზიდენტი იყო.
