ხვალ, 3 აპრილს საგარეო საქმეთა მინისტრი მაია ფანჯიკიძე ოფიცილური ვიზიტით ბრაზილიაში გაემგზავრება. როგორც ჟურნალისტებთან საგარეო საქმეთა მინისტრის მოადგილემ დავით ზალკალიანმა განმარტა 3-4 აპრილს დაგეგმილია საგარეო საქმეთა მინისტრის ვიზიტი ბრაზილიაში.
,,დაგეგმილია საგარეო საქმეთა მინისტრის ვიზიტი ბრაზილიაში. მოგეხსენებათ, რომ ცოტა ხნის წინ განხორციელდა ბრაზილიის საგარეო საქმეთა მინისტრის პირველი მოადგილის ოფიციალური ვიზიტი საქართველოში. ბრაზილიაში საგარეო საქმეთა მინისტრის ვიზიტის დროს გაიმართება შეხვედრა საგარეო საქმეთა მინისტრთან, ასევე დაგეგმილია შეხვედრა პალატის, სენატისა და კულტურის სამინისტროს წარმომადგენლებთან", -განაცხდა დავით ზალკალიანმა და აღნიშნა, რომ ვიზიტის ფარგლებში დიდი დრო დაეთმობა საქართველოს თანამშრომლობას ლათინური ამერიკის ქვეყნებთან.
საგარეო საქმეთა მინისტრის ვიზიტი ბრაზილიაში 4 აპრილს დასრულდება.
მასალის გამოყენების პირობები
