იტალიის სტატისტიკის ეროვნული სამსახურის ინფორმაციით, საქართველო-იტალიას შორის წლიური სავაჭრო ბრუნვა 22.9%-ით გაიზარდა.
ინსტიტუტის ინფორმაციით, მთლიანმა სავაჭრო ბრუნვამ 266.5 მილიონი ევრო შეადგინა. აღნიშნული მაჩვენებელი 2010 წლის მონაცემებთან შედარებით, 100.4%-ითაა გაზრდილი.
2012 წელს იტალიიდან ექსპორტი საქართველოში 62.7%-ითაა გაზრდილი, რამაც საბოლოო ჯამში 221.4 მილიონ ევროს მიაღწია.
საქართველოში იტალიიდან ექსპორტის ძირითადი სექტორი მანქანები და მექანიკური მოწყობილობებია, რომელიც ასევე, გაიზარდა 58.6%-ით. ექსპორტის სხვა მთავარი მიმართულებები კი, ნავთობი და საავტომობილო ზეთებია.
აღნიშნულთან დაკავშირებით, საქართველოს სტატისტიკის ეროვნული სამსახურიც აქვეყნებს მონაცემებს, რომლის მიხედვითაც, გასულ წელს საქართველო-იტალიას შორის წლიურმა სავაჭრო ბრუნვამ 24.6% შეადგინა.
"საქსტატის" ინფორმაციით, მთლიანმა სავაჭრო ბრუნვამ 324 მილიონი აშშ დოლარი შეადგინა. ქვეყანაში იტალიური ექსპორტი გაზრდილია 46.6%-ით და მთლიანობაში 271 მლნ აშშ დოლარს მიაღწია.
