4 აპრილს, 16 საათზე, თბილისის საერთაშორისო აეროპორტში ფრენების ზაფხულის სეზონისა და განახლებული განრიგის პრეზენტაცია გაიმართება (Summer Season 2013 ).
როგორც კომპანია "ტავში" განმარტავენ, 2012 წლის ზაფხულის სეზონთან შედარებით, წელს 9 წამყვანი ავიაკომპანია თბილისის მიმართულებით გაზრდილი სიხშირით შეასრულებს რეგულარულ რეისებს.
თბილისისა და ბათუმის საერთაშორისო აეროპორტების ოპერატორი კომპანია „ტავ ჯორჯია" 2012 წელს შეაჯამებს, და 2013 წლის განმავლობაში ახალი ავიაკომპანიების შემოსვლის პერსპექტივაზეც ისაუბრებს.
პრეზენტაციას ყველა იმ ავიაკომპანიის წარმომადგენელი დაესწრება, რომლებიც ფრენებს თბილისის მიმართულებით ახორციელებენ.
