იურიდიულ საპარლამენტო კომიტეტში დღეს შრომის კოდექსში შესატან ცვლილებებზე იმსჯელებენ.
დღეგანაკვეთური სამუშაოს ანაზღაურება, კვირაში 40 საათიანი მუშაობის შემდეგ სამსახურიდან დაუსაბუთებელი გათავისუფლების შემდეგვე სასამართლოს გზით უფლებების დაცვის რეალური საშუალებები, დიალოგის ცალმხრივი კომისია და კიდევ რამდენიმე ცვლილებაა, რომელსაც დღეს განიხილავენ.
ცვლილებებს იუსტიციის მინისტრის მოადგილე ალექსანდრე ბარამიძე წარადგენს.
"დამსაქმებელს აღარ ექნება უფლება, რომ მოტივის გარეშე, დაუსაბუთებლად გაათავისუფლოს მუშაკი სამსახურიდან. ახლებურად დარეგულირდება ვადიანი შრომის ხელშეკრულებასთან დაკავშირებული საკითხები. ასევე, ზეგანაკვეთური შრომა ანაზღაურდება", - განაცხადა ბარამიძემ.
მისივე თქმით, კოლექტიური შრომითი დავები ახლებურად დარებულირდება. ასევე, გათვალისწინებულია სოციალური დიალოგის ცალმხრივი კომისიის შესახებ დებულებები.
ბარამიძის განცხადებით, გადაწყდა, რომ თუკი ადრე ის კანონქვემდებარე აქტით, პრემიერის ბრძანებით რეგულირდებოდა, ახლა დარეგულირდეს კანონით.
