სერგეი კობცევმა 1995 წელს დაამთავრა ხაბაროვსკის ეკონომიკისა და სამართლის სახელმწიფო აკადემია. 2002- 2013 წლებში მუშაობდა ხელმძღვანელ თანამდებობებზე ღია სააქციო საზოგადოებებში - „ხაბაროვსკენერგო" , „შორეული აღმოსავლეთის გენერირების კომპანია", „აღმოსავლეთის ენერგეტიკული კომპანია " და „სანგტუდინსკაია ჰესი -1".

სს „თელასის" ყოფილი გენერალური დირექტორი დევი კანდელაკი მუშაობას განაგრძობს „ინტერრაო ეეს" -ში - შპს „მტკვარი ენერგეტიკის", სს „ხრამჰესი 1"-ს და „ხრამჰესი-2" -ს გენერალური დირექტორის თანამდებობაზე.

***სს „თელასი" ერთ-ერთი მსხვილი კომპანიაა საქართველოში ელექტროენერგიის დისტრიბუციის დარგში, რომელიც ახორციელებს ელექტროენერგიის განაწილებას თბილისში. კომპანია ელექტროენერგიას აწვდის 460 ათასზე მეტ მომხმარებელს. 2003 წლის აგვისტოში სს „თელასი" „ინტერრაო ეეს"-ის შემადგენლობაში შევიდა. „ინტერრაო ეეს"-ის მფლობელობაშია „თელასის" აქციათა 75%, ხოლო 25%-მდე სახელმწიფოს საკუთრებაა.

***ჯგუფი „ინტერრაო ეესი"- დივერსიფიცირებული ენერგეტიკული ჰოლდინგია, რომელიც რუსეთსა და მის საზღვრებს გარეთ ელექტროენერგეტიკის სფეროს მრავალ სეგმენტში მონაწილეობს. კომპანიას რუსეთის ელექტროენერგიის იმპორტ-ექსპორტის დარგში ლიდერის პოზიცია უკავია , მისი წილი აქტიურად იზრდება გენერაციის და რეალიზაციის სეგმენტებში, ასევე ავითარებს ბიზნესის ახალ მიმართულებებს. „ინტერრაო ეეს"-ის სტრატეგია მიმართულია გლობალური ენერგეტიკული კომპანიის შექმნისკენ, რომელიც მსოფლიო ენერგეტიკული ბაზრის ერთერთი გადამწყვეტი მოთამაშე იქნება.
„ინტერრაო ეეს"-ის ჯგუფის შემადგენლობაში შემავალი და მის მმართველობაში მყოფი ელექტროსადგურების დადგმული სიმძლავრე 33.5 გიგავატს შეადგენს.