პროფესიული განათლების ფონდი საქართველოს სავაჭრო-სამრეწველო პალატას ტრენინგებისა და სემინარების ჩატარებაში დაეხმარება. მეწარმეები გაცვლით პროგრამებშიც შეძლებენ მონაწილეობის მიღებას. მხარეებს შორის დღეს შესაბამისი მემორანდუმი, დღეს გაფორმდა.მემორანდუმის მიზანია, პროფესიული მომზადება-გადამზადების ხელშეწყობით ბიზნესის განვითარება, შრომით რესურსებზე ბიზნესის რეალური მოთხოვნების შესწავლა და სათანადო კადრებით უზრუნველყოფის ღონისძიებათა დასახვა, ინოვაციური პროექტების რეალიზაციის დაფინანსირებისთვის პარტნიორებისა და დონორების მოძიებაში ორგანიზაციული ურთიერთმხარდაჭერა და სხვა.
მემორანდუმი ითვალისწინებს მეწარმეთა აქტიური ჩართვის, საწარმოებში სასწავლო უბნების, სახელოსნოების, სამოსწავლო ადგილების შექმნის ხელშეწყობის მეშვეობით, არაფორმალური პროფესიული მომზადება-გადამზადების მობილური სისტემის ჩამოყალიბებას. ქვეყნის წამყვანი და პირველ რიგში, მაღალი ტექნოლოგიების დარგების განვითარების ხელშეწყობის მიზნით, პროფესიული მომზადება-გადამზადებისა და სტაჟირების საერთაშორისო გაცვლით პროგრამებში აქტიურ ჩართვას.
მემორანდუმის მიხედვით გათვალისწინებულია:სავაჭრო-სამრეწველო პალატის ეგიდითა და ფონდის თანამონაწილეობით, საინფორმაციო, მეთოდური, სასწავლო, მომზადება-გადამზადების სათავო და რეგიონული ცენტრების შექმნა.
კვალიფიცირებული შრომითი რესურსის მონაცემთა ბაზის - HR & JOBS შექმნა და დასაქმების ხელშეწყობა. პროფესიული მომზადებისა და გადამზადების, ტრენინგების, სტაჟირების, დისტანციური სწავლების და საკონსულტაციო მომსახურების „ინტერნეტ - მაღაზიის" შექმნა. მცირე და საშუალო ბიზნესისთვის წარმოების თანამედროვე ფორმების შემსწავლელი სემინარების და ტრეინინგების ორგანიზება.
"სავაჭრო-სამრეწველო პალატა ერთის მხრივ ვესაუბრებით ბიზნესს, მეორეს მხრივ იმ კერძო პროფესიულ სასწავლებლებს, რომლებიც ამ დარგში მოღვაწეობენ, იმისთვის, რომ მივიღოთ ისე შედეგი, რომ როდესაც პროფესიული განათლება სრულფასოვნად იმუშავებს ქვეყანაში. ასევე მოამზადებს მაღალი დონის, კვალიფიციურ კადრებს"- განაცხადა სავაჭრო-სამრეწველო პალატის პრეზიდენტმა კახა ბაინდურაშვილმა.
პროფესიული განათლების ფონდის სამეურვეო საბჭოს თავმჯდომარის ალექსანდრე ეჯიბაიას განმარტებით, ფონდი მეწარმეების მობილიზაციას ახდენს, რათა დადგინდეს ის მოთხოვნები, რომელიც საჭიროა და ასევე შემუშავდეს ხარისხიანი სტანდარტები და სასწავლო პროგრანები
