გარემოს დაცვის სამინისტროს ბიუჯეტი გაორმაგებულია და ის 20 მილიონ ლარს შეადგენს - ამის შესახებ გარემოს დაცვის მინისტრმა ხათუნა გოგალაძემ დღევანდელ პრესკონფერენციაზე განაცხადა.
როგორც მან აღნიშნა, საქართველოს მთავრობის მიერ გარემოს დაცვა ერთ-ერთ პრიორიტეტულ მიმართულებადაა აღიარებული.
მისი თქმით, სასიამოვნოა ის ფაქტი, რომ ეს არ არის დეკლარირებული და მხოლოდ ფურცელზე დაწერილი აღიარება, ამის დადასტურება სწორედ სამინისტროს ფუნქციური გაძლიერებაა.
"გარემოს დაცვის ბიუჯეტი შეიძლება ითქვას, რომ არის გაორმაგებული. გარდა ამისა, ველოდებით არასაბიუჯეტო შემოსავლებს, რომელიც დაახლოებით 15 მლნ ოდენობისაა. საბიუჯეტო თანხა კი, 20 მილიონია", - განაცხადა გოგალაძემ.
მისივე თქმით, საბიუჯეტო და არასაბიუჯეტო თანხები უკვე მნიშვნელოვან ფინანსურ რესურსს ქმნის იმისთვის, რომ სამინისტრომ გაძლიერება შეძლოს.
გარემოს დაცვის მინისტრის და ჟურნალისტებთან შეხვედრა "საქართველოს მთავრობა ღია მმართველობის" ფარგლებში გამართა.
