"GSP+" -თან მიმართებაში სიახლე არის ის, რომ აღნიშნული სისტემა ახალ სისტერმაზე გადავიდა, რომელიც ითვალისწინებს განსხვავებულ რეგულაციებს წარმოშობის სერთიფიკატების გაცემასთან დაკავშირებიოთ. ანუ შემადგენლობა წარმოშობის სერთიფიკატის გაცემისას არის სხვანაირი. პრეფერენციები შეიცვალა და ვიდრე ევროპისგან თავისუფალი ვაჭრობის ხელშეკრულებას მივიღებთ უნდა გავაკეთოთ განაცხადი, რომ გარდამავალ პერიოდში ვისარგებლებთ გენერალიზებული პრეფერენციების სისტემით"- განუცხადა "ჯი-ეიჩ-ენს" გიორგი კვირიკაშვილმა.

შეგახსენებთ, რომ 2005 წლის 1 ივლისიდან ამოქმედდა ევროკავშირის GSP-ს სქემის დამატებითი პრეფერენციების ე.წ. «GSP+» სისტემა და იგი, სხვა ქვეყნებთან ერთად (14 ქვეყანა), საქართველოზეც გავრცელდა. GSP+ - ის სისტემა სავაჭრო ტარიფების ცალმხრივად შემცირების ან გაუქმების საშუალებას იძლევა. რაც იმას მოიაზრებს, რომ ქართული წარმოშობის 7200-მდე დასახელების პროდუქტი ევროკავშირის ბაზარზე შეღავათიანი ან ნულოვანი საბაჟო განაკვეთით შევა, რაც უფრო მეტად შეუწყობს ხელს ქართული ექსპორტის გაზრდას.