აზიის განვითარების ბანკი საქართველოს გზების, ურბანული მომსახურებისა და ენერგომომარაგების გაუმჯობესებაში დაეხმარება, ამის შესახებ განცხადება აზიის განვითარების ბანკის (ADB) ვიცე-პრეზიდენტი ქსიაო ჟაომ გააკეთა.

"ჩვენ ვაფასებთ აზიის განვითარების ბანკსა და საქართველოს შორის არსებულ თანამშრომლობას და შესაძლებლობას ქვეყანას დავხმარებოდით გზების, ურბანული მომსახურებისა და ენერგომომარაგების გაუმჯობესებაში. აზიის განვითარების ბანკს აქვს თანამშრომლობის შემდგომი განვითარების იმედი რაც ქვეყანასთან თანამშრომლობის სტრატეგიის შემუშავებით მიიღწევა. აღნიშნულ დოკუმენტზე მუშაობა 2013 დასრულდება და ის იქნება თანამშრომლობისა და ბანკის მიერ გაცემული სესხებისა და გრანტების მაქსიმალური უკუგების საფუძველი შემდგომი ხუთი წლის მანძილზე", - აცხასდებს ჟაომ. ვიცე პრეზიდენტი ჟაოს თბილისში ვიზიტის დროს ხელი მოეწერა აზიის განვითარების ბანკსა და ფინანსთა სამინისტროს შორის

აღსანიშნავია, რომ აზიის განვითარების ბანკის (ADB) ვიცე-პრეზიდენტის საქართველოში ვიზიტისას, 48 მილიონი აშშ დოლარის ოდენობის სესხის გამოყოფას მოეწერა ხელი, რომელიც მიზნად ისახავს რეგიონული ელექტროგადაცემის რეაბილიტაციას. აზიის განვითარების ფონდიდან გაცემული შეღავათიანი სესხის საშუალებით შესაძლებელი გახდება რამდენიმე ქვესადგურის მშენებლობა და რეაბილიტაცია რაც გაზრდის ენერგომომარაგების ხარისხა და საიმედოობას და აამაღლებს ქვეყნის ენერგო ექსპორტის პოტენციალს.

აზიის განვითარების ბანკი, რომლის სათავო ოფისი მანილაში, ფილიპინებზე მდებარეობს, მიზნად ისახავს აზიასა და წყნარი ოკეანის რეგიონში სიღარიბის დონის შემცირებას ეკონომიკური ზრდის, გარემოს დაცვითი ღონისძიებების და რეგიონული ინტეგრაციის მეშვეობით. დაარსდა რა 1966 წელს, ბანკი აერთიანებს 67 წევრ ქვეყანას, საიდანაც 48 აღნიშნული რეგიონის წარმომადგენელია. 2011 წელს აზიის განვითარების ბანკის მიერ დამტკიცებული სესხების ოდენობამ, თანადაფინანსების ჩათვლით, 21.7 მილიარდი აშშ დოლარი შეადგინა. 2007 წლიდან ბანკის მიერ საქართველოში პროგრამების დასაფინანსებლად 1.1 მილიარდ დოლარზე მეტია დამტკიცებული.