ფონდ "ნატახტარის" საქველმოქმედო პროექტმა - "იზრუნე მომავალზე" 240 ათასი ლარი შეაგროვა, აღნიშნულის შესახებ ინფორმაცია, დღეს, "ფონდ ნატახტარის" ერთი წლის ანგარიშის პრეზენტაციაზე გაჟღერდა.
კომპანია "ნატახტარის" მარკეტინგის სამსახურის დირექტორის თორნიკე ნიკოლაიშვილის განმარტებით, ფონდმა ორი წლის განმავლობაში 240 ათასი ლარის შეგროვება მოახერხა. მისივე ინფორმაციით, ფონდი ამ დროისათვის 144 ბენეფიციარს ემსახურება.
"დასრულდა თანხის შეგროვების მეორე ეტაპი, ორი წლის განმავლობაში სულ 240 ათასი ლარი შეგროვდა, რაც მზრუნველობამოკლებული მოზარდების დამოუკიდებელი ცხოვრების მომზადების ხელშეწყობისთვის იქნება გამოყენებული. ამასთან, აღსანიშნავია ისიც, რომ თუ გასულ წელს ჩვენი ფოკუსი 16-18 წლის მოზარდთა ჯგუფი იყო, წელს ეს 15-18 გაიზრდება, რაც საშუალებას მოგვცემს ბენეფიციართა რიცხვი გავზარდოთ", - განაცხადა კომპანია "ნატახტარის" მარკეტინგის სამსახურის დირექტორმა თორნიკე ნიკოლაიშვილმა.
ფონდ "ნატახტარში" თანხების შეგროვება წლის განმავლობაში, 3 თვის მანძილზე ხდება. ანუ ნოემბრიდან თებერვლის ჩათვლით, "ნატახტარის" ლიმონათის თითოეული გაყიდული ბოთლის ლიტრაჟობიდან გამომდინარე, ფონდში 1, 3 და 5 თეთრი ირიცხება,
როგორც პრესკონფერენციაზე აღინიშნა, 2012 წელს ფსიქოლოგიური დახმარება 72 მოზარდს გაეწია. ასოციაცია "ჩვენი სახლი - საქართველოს" წარმომადგენლის მანანა ომარაშვილის განცხადებით, 10 მოზარდზე მუშაობა შეწყდა, 4 გათხოვდა, 5-მა სამუშაო იპოვა.
მიმდინარე წელს ასევე მოხდება კიდევ რამდენიმე მოზარდის დასაქმება სხვადასხვა კომპანიაში. 6 ბენეფიციარი წელს ასევე აპირებს გავიდეს ეროვნულ გამოცდებზე.
მასალის გამოყენების პირობები
ომარაშვილის განმარტებით, სამსახური მუშაობს იმისთვის, რომ შეფასდეს მოზარდების უნარები, განსაზღვროს მათი პროფორიენტაცია ვის რა პროფესია შეეფერება.
"მთავარი მიზანი კი ისაა, რომ როცა მოზარდები 18 წლის გახდებიან და სახელმწიფო მათზე მზრუნველობას დაიწყებს, ახალგაზრდებს გააჩნდეთ საკუთარი პროფესია, რითაც თავის რჩენას შეძლებენ და საზოგადოებასთან უფრო ინტეგრირებულნი იქნებიან", - განმარტა ომარაშვილმა.
შეგახსენებთ, რომ კომპანია „ნატახტარმა" 2011 წლის ნოემბერში, დააფუძნა ფონდი „ნატახტარი" და დაიწყო მზრუნველობამოკლებული მოზარდების მხარდაჭერისკენ მიმართული საქველმოქმედო პროექტის „იზრუნე მომავალზე"-ს განახორციელება. ყოველ წელს, 3 თვის განმავლობაში, ნოემბრიდან თებერვლის ჩათვლით „ნატახტარის ლიმონათის" თითოეული გაყიდული ბოთლიდან ფონდში ირიცხებოდა 1, 3 და 5 თეთრი (შეფუთვების შესაბამისად 0.5ლ; 1ლ და 2ლ). პროექტი ხორციელდება ასოციაცია „ჩვენი სახლი - საქართველოს" მხარდაჭერით და საქართველოს პატრიარქის თანადგომითა და ლოცვა-კურთხევით.
