ევროკავშირმა გამოაქვეყნა ანგარიში ევროპულ სამეზობლო პოლიტიკაში ჩართულ ქვეყნებში 2012 წელს მიღწეული პროგრესის შესახებ. საქართველოსადმი მიძღვნილ მოხსენებაში სხვა საკითხებთან ერთად განხილულია ქვეყანაში ოფიციალური სტატისტიკის ამჟამინდელი მდგომარეობა და მისი განვითარებისა და სრულყოფის ძირითადი მიმართულებები.
მოხსენებაში აღნიშნულია, სამომხმარებლო ფასების ინდექსის გაანგარიშების ახალი მეთოდოლოგიის, ეროვნული ანგარიშებისა და შინამეურნეობების კვლევიდან მიღებული მონაცემების საფუძველზე განახლებული სამომხმარებლო კალათის და მასში შემავალი საქონელ-წარმომადგენლების წონების შესახებ. ასევე, მრეწველობის პროდუქციის მწარმოებელთა ფასების ინდექსის გაანგარიშებაში შეტანილი მეთოდოლოგიური ცვლილებების შესახებ, როდესაც საწარმოთა შერჩევაში უპირატესობა მიენიჭა მათ მიერ წარმოებული პროდუქციის მოცულობას.
ასევე დადებითადაა შეფასებული საქსტატის მიერ 2012 წელს დანერგილი ელექტრონული კითხვარები, რომელიც მნიშვნელოვნად შეამცირებს რესპონდენტებზე დატვირთვას და აამაღლებს მონაცემთა ხარისხს.
მოხსენებაში აღნიშნულია, რომ 2012 წელს ევროსტატის ინციატივით ჩატარდა საქართველოს ოფიციალური სტატისტიკის გლობალური შეფასება, რომლის შედეგებიც უახლოეს მომავალში გამოქვეყნდება.
გარდა ამისა, საუბარია მოსახლეობის საყოველთაო აღწერის ჩატარების აუცილებლობაზე და მის მნიშვნელობაზე.
