განათლების სამინისტროს ინფორმაციით, პუბლიკაცია ბავშვის სამუშაო რვეულსა და ალბომს, ასევე, დამხმარე აუდიომასალით აღმზრდელის მეთოდურ სახელმძღვანელოს მოიცავს.

2011-2012 წლებში სახელმძღვანელოს პილოტირება საქართველოს 6 მუნიციპალიტეტში - ახალქალაქში, ახალციხეში, ბოლნისში, დმანისში, მარნეულში, ნინოწმინდაში შექმნილ სკოლამდელი აღზრდის 8 ცენტრში განხორციელდა.

პილოტირებაში 147 ეთნიკური უმცირესობების წარმომადგენელი ბავშვი და 8 მასწავლებელი მონაწილეობდა.

მიმდინარე წელს, სახელმძღვანელოს მასალების ბაზაზე, საქართველოს ექვსი მუნიციპალიტეტიდან დამატებით გადამზადდა ეთნიკური უმცირესობების საბავშვო ბაღების 12 აღმზრდელი.

ახალი პუბლიკაციები პროექტის მონაწილე სკოლამდელი აღზრდის ცენტრებსა და საბავშვო ბაღებს საჩუქრად გადაეცემათ.

სახელმძღვანელოებით სარგებლობას 700-ზე მეტი სკოლამდელი ასაკის ბავშვი შეძლებს. პუბლიკაციების ელექტრონული ვერსიები განათლებისა და მეცნიერების სამინისტროს ელექტრონული ბიბლიოთეკის ვებგვერდზე elibrary.emis.ge განთავსდება.