უმცირესობა საკონსტიტუციო ცვლილებებს მხარს სარეიტინგო კენჭისყრის შემდეგ დაუჭერს,- ამის შესახებ გადაცემა "პოზიციაში" ჩართვისას საპარლამენტო უმცირესობის ლიდერმა დავით ბაქრაძემ განაცხადა .
"ნებისმიერ გადაწყვეტილებას განსაზღვრავს ყოველთვის მისი შინაარსი და ფორმა. რაც შეეხება ამ საკონსტიტუციო ცვლილების შინაარსს, სრულიად გაუგებარია ის აჟიოტაჟი, რომელიც შექმნილია ბოლო თვეების განმავლობაში. ეს არ არის ის მუხლი, რომლის გამოყენებაც შესაძლებლად ან წარმოსადგენად მიგვაჩნია დღევანდელ პოლიტიკურ რეალობაში. 2010 წელს, როდესაც ჩვენ შევქმენით ახალი კონსტიტუცია იქ აღარ არის ასეთი მუხლი. ანუ, ოქტომბრიდან ჩვენ გვექნება კონსტიტუცია, რომელშიც ასეთი მუხლი აღარ არის. ამიტომ, შინაარსთან დაკავშირებით პრობლემა არ არის. არის მეორე საკითხი გადაწყვეტილების მიღების ფორმა. ამ ფორმას აქვს ორი ნაწილი. პირველი - მთავრობა, რომელიც ცდილობს რომ წარმოაჩინოს ისე, რომ ყველა პრობლემა არის იმის ბრალი, რომ ოპოზიცია მხარს არ უჭერს ამ ცვლილებას და სანამ ჩვენ ამ ცვლილებას არ დავუჭერთ ქვეყანაში ვერც ტრაქტორი შემოვა და ვერც კრედიტი გაიაფდება. და მეორე, და კიდევ უფრო მნინშვნელოვანი - ჩვენთან ურთიერთობაში ტონი, როდესაც საუბრობენ, რომ ჩვენით ან უჩვენოდ ამას მიიღებენ, როდესაც საუბრობენ, რომ საკმარისი ხმები აქვთ. როდესაც საუბრობენ, რომ საერთოდ არ სჭირდებათ ოპოზიცია ამ პროცესში, ეს არის შედეგი იმ მრავალთვიანი დაშინებისა და ზეწოლის კამპანიის, რომელიც მიმდინარეობდა ოპოზიციის წინააღმდეგ. გამომდინარე ამ შინაარსიდან და ამ ფორმიდან, ჩვენ მივიღეთ კონკრეტული გადაწყვეტილება - ჩვენ მზად ვართ მხარი დავუჭიროთ საკონსტიტუციო ცვლილებებს. ჩვენ მზად ვართ გამოვაცალოთ მთავრობას თავის გასასამართლებელი მექანიზმები, რომ მთავრობა ვერ მუშაობს იმიტომ, რომ არის რისკის ქვეშ... იმისთვის, რომ უმრავლესობას არ ქჰონდეს იმით სპეკულირების საშუალება, რომ მათ გატეხეს "ნაციონალური მოძრაობა", მათთვის მნიშვნელობა არ აქვს ოპოზიციის აზრს, რომ ნაციონალური მოძრაობა აღარ არსებობს, როგორც ერთიანი და პირნციპული ძალა, სწორედ ამიტომ, ჩვენ მოვითხოვთ ოფიციალურად, ხვალ სარეიტინგო კენჭისყრას, ოფიციალური კენჭისყრის წინ. სადაც დაფიქსირდება რამდენი ხმა აქვს უმრავლესობას და რამდენი ხმა სჭირდება საკონსტიტუციო კვორუმისთვის და მზად ვართ მივცეთ ზუსტად იმდენი ხმა რამდენი ხმაც აკლიათ იმისთვის, რომ ეს ცვლილება გავიდეს. თუ მათ აქვთ ასზე მეტი ხმ,ა როგორც ამბობენ, ღმერთმა გაუმარჯოს, ე.ი. მართლა არ ვჭირდებით და მიიღებენ ამ ცვლილებას", - განაცხადა ბაქრაძემ.
მისივე თქმით, სრეიტინგო კენჭისყრის ჩატარება აუცილებელია რადგან გამოჩნდეს, რმდენი ხმა სჭირდებათ და გმაოჩნდეს ის, რომ ორივე ძალა იღებენ ამ საკონსტიტუციო ცვლილებას.
”ოღონდ ამ ნაბიჯს ვდგამთ ორივე ერთად და არა ისე, როგორც თქვენ გინდათ - თქვენ გადადგათ ნაბიჯი და ჩვენ გადაგვათრიოთ ამოგრეხილი ხელებით... თუ თქვენთვის არის მნიშვნელოვანი საკონტიტუციო ცვლილების მიღება და არა ოპოზიციის დამცირება და გატეხვა თქვენ საკონსტიტუციო ცვლილებებს მიიღებთ. თუ თქვენი ამოცანაა ოპოზიციის გატეხვა და დამცირება, უკაცრავად, მაგრამ თქვენ ამას ვერ მიიღებთ”, - განაცხადა ბაქრაძემ.