პოლიტიკური გაერთიანება "იმედის" ხელმძღვანელის ირინა სარიშვილის განცხადებით არ არის გამორიცხული შინაგან საქმეთა მინისტრი ირაკლი ღარიბაშვილი "ამ ხელისუფლების მხრიდან გასაწირთა სიაში აღმოჩნდეს". როგორც სარიშვილმა "პრაიმტაიმის"პრესკლუბში გამართულ პრესკონფერენციაზე ჟურნალისტებს განუცხადა "მის თანამდებობაზე უამრავი ადამიანი ილესავს კბილებს".
"რესპუბლიკელები საშუალებას ხელიდან არ გაუშვებენ და შინაგან საქმეთა მინისტრის თანამდებობაზე ბევრი "ილესავს კბილებს" მათ შორის პარლამენტს გარეთ დარჩენილი ძალები. ბევრი ელოდება ადგილს ივანიშვილის მზის ქვეშ, მაგრამ ეს მზე შეიძლება დაბნელდეს მათთვის და არა ივანიშვილისთვის. ჩვენ საკმაოდ არასახარბიელო ვითარებაში შეიძლება მოგვიწიოს დარჩენა და ივანიშვილს კი შეუძლია წავიდეს. თუ ასეთი გიგანტური ნაბიჯებით გაგრძელდა ეს ე.წ. კოჰაბიტაცია ეს მოსალოდნელია", -აცხადებს სარიშვილი და დასძენს, რომ "პრემიერი დღიდან პოლიტიკაში შემოსვლისა ემორჩილება რესპუბლიკელებს".
"ღარიბაშვილი არა მგონია, რომ პრემიერი რისხვის ობიექტი იყოს, პირიქით ის ერთ-ერთ ერთგულ მინისტრად შეიძლება ჩაითვალოს მაგრამ პრემიერი დღიდან შემოსვლისა პოლიტიკაში პოლიტიკურ გადაწყვეტილებებზე ემორჩილება "რესპუბლიკელებს". თუ ღარიბაშვილი მისცემს საშუალებას ვინმეს, რომ მას მოქმედებები დაუწუნონ ივანიშვილი დიდ წინააღმდეგობას არ გაწევს. რაც შეეხება სხვა მინისტრებს დეპუტატების გარდა ყველას ისე გააჩუმებენ, როგორც გააჩუმეს ირაკლი ალასანია იმიტომ რომ ცოტანხანში ის შეიძლება თავდაცვის მინისტრიც არ იყო" , -აცხადებს სარიშვილი.