ევრობასკეტ 2013-ის ბილეთების გაყიდვა დაიწყო. ბილეთების შეძენა შესაძლებელია ვებ-გვერდზე: http://www.eventim.si/si/, ასევე სლოვენიის მთელი მასშტაბით მდებარე ბენზოგასამართ სადგურებსა და ლიუბლიანაში, მარიბორსა და ცელიეში სპეციალურად გამოყოფილ ადგილებზე. როგორც კალათბურთის ფედერაციის ვეგ-გვერდზე გამოქვეყნებულ ინფორმაციაშია აღნიშნული, პირველ კვირაში გულშემატკივრებს შესაძლებლობა ექნებათ, შეიძინონ მხოლოდ ფინალის, მესამე ადგილისთვის მატჩისა და ნახევარფინალების ბილეთები. 25 მარტიდან გასაყიდად გამოიტანენ მეოთხედფინალებისა და V-VIII ადგილებისთვის მატჩების, ხოლო 2 აპრილიდან - პირველი და მეორე ჯგუფური ეტაპების ბილეთებს.
ონლაინ-მყიდველები თანხის გადახდის შემდეგ მიიღებენ ვაუჩერს, რომლის წარდგენა 1 ივლისიდან იმ არენის სალაროებში შეეძლებათ, სადაც მატჩი უნდა გაიმართოს. ვაუჩერების სანაცვლოდ გულშემატკივარები მატჩზე დასასწრებ ბილეთებს მიიღებენ.
