საქართველოს პარლამენტი საკონსტიტუციო ცვლილებებს პირველი მოსმენით ხვალ განიხილავს.
ამის შესახებ პარლამენტის თავმჯდომარე დავით უსუფაშვილმა რამდენიმე წუთის წინ, ბიუროს სხდომის დაწყებისას განაცხადა.
გავრცელებული ინფორმაციით, საკონსტიტუციო ცვლილებებისთვის კენჭისყრა დღეს ან პარასკევს უნდა მომხდარიყო, თუმცა საკანონმდებლო ორგანოში მიიღეს გადაწყვეტილება, რომ ცვლილებების განხილვა ხვალინდელ პლენარულ სხდომაზე მოხდება.
ამასთან, უცნობია რა გადაწყვეტილებას მიიღებენ საპარლამენტო უმცირესობის წარმომადგენლები, თუმცა აღნიშნავენ, რომ მათი გადაწყვეტილება ერთსულოვანი იქნება.
სავარაუდოდ, მათი პოზიცია დღეს საღამოს, დახურულ კარს მიღმა დაგეგმილ უმცირესობის წევრების შეხვედრაზე გადაწყდება.