ნაციონალური მოძრაობის გენერალური მდივანი ვანო მერაბიშვილი მისასალმებელს უწოდებს იმ ფაქტს, რომ შსს-ს ხელმძღვლობა მაქსიმალურად ცდილობს შეინარჩუნოს სამინისტროს წარმატებული ინსტიტუტები - პატრული და გამჭვირვალე შენობები. თუმცა მერაბიშვილს უკვირს თუ რატომ მიიღო შს მინისტრმა ძვლ შენობაში - ორთაჭალაში გადასვლის გადაწყვეტილება.
"ის მცდელობა, რომ მაქსიმალურად შეინარჩუნოს სამინისტროს დღევანდელმა ხელმძღვანელობამ, ის ძველი ინსტიტუტები, როგორებიცაა პატრული, პოლიციის გამჭვირვალე შენობები, არც ერთი შენობა არ დაუნგრევიათ განსხვავებით სხვა უწყებებისა - ეს მისასამლებელია. თუმც მე გამიკვირდა, რომ ასეთი მშვენიერი შენობიდან რატომ გადავიდა მინისტრი პოლიციის ძველ შენობაში. მინისტრი დაუბრუნდა ორთაჭალის შენობას. როგორც ამბობენ იქ რემონტი გაკეთდა, მე მინდა გითხრათ, რომ ის შენობა იყო ყველაზე უსახური შენობა, იქ აურაც კი იყო ძველი, საბჭოთა მილიციის და იქ როცა ვიჯექი ცუდად ვგრძნობი თავს. ახალი შენობა კი არის ერთ-ერთი საუკეთესო თავისი იერით, თავისი აურით, თუმც ეს მაინც გემოვნებაზე მეტყველებს, ვიდრე აურაზე", - განაცხადა მერაბიშვილმა "პირველი რადიოსთვის" მიცემულ კომანტარში.
