მიუხედავად ჩემი პოლიტიკური სიმპატიებისა თუ არა სიმპატიებისა, ერთი რამ ფაქტია და საყოველთაოდ იყო აღიარებული, რომ პოლიცია სარგებლობდა მაღალი რეპუტაციით - ერთ-ერთი მაღალ ეფექტური ორგანიზაცია იყო", - ამის შესახებ "პირველი რადიოსთვის" მიცემულ კომენტარში "ნაციონალური მოძრაობის" გენერალურმა მდივანმა ვანო მერაბიშვილმა განაცხადა.
მისი თქმით, პოლიტიკური გადაწყვეტილების საფუძველზე, შინაგან საქმეთა სამინისტროში მთელი ხელმძღვანელობა გამოცვლილია.
"90 %-ი ანუ სამმართველოს უფროსები და უფრო მაღალი რანგის
თანამშრომლების დიდი ნაწილი არის გამოცვლილი. თავისთავად ეს მეტყველებს, რომ პოლიტიკური გადაწყვეტილებები იქნა მიღებული, იმიტომ რომ შეუძლებელია პოლიციაში ყველა ეს ადამიანები ყოფილიყვნენ დამნაშავეები", - განაცხადა მერაბიშვილმა.
ამავე დროს, მერაბიშვილი საზოგადეოებისთვის მთავარ პრობლემად, საპატრომროებიდან დამნაშავეების გათავისუფლებას - ამნისიტას ასახელებს.
"მთავარი პრობლემა არის ის, რომ დღეს რიგით პოლიციელს და რიგით მოქალაქესაც განცდა აქვს, რომ ეს ხელისუფლება არის ის ხელისუფლება, რომელიც ორიენტირებულია ისეთ გადაწყვეტილებებზე, როგორიცაა საყოველთაო ამნისტია. კვლევებიდანაც ჩანს, რომ თუ რაიმეზე ჩივის საზოგადოება, ეს არის მასოვრივი გამოშვება პატიმრების. ეს არის ის ფაქტი, რომელიც თუნდაც 8 თებერვალს მოხდა, ციხიდან გუშინ გამოშვებული ადამიანები, პრაქტიკულად პოლიციელებთან ერთად ეგებებოდნენ შს მინისტრს და იყო შეძახილები. ესეთი მიმართულებით სვლა საქართველოს სიკეთეს არ მოუტანს", - განაცხადა მერაბიშვილმა.