შინაგან საქმეთა მინისტრი ირაკლი ღარიბაშვილი სამინისტროში კადრების გადაადგილებებს ბუნებრივ და ნორმალურ პროცესს უწოდებს.
როგორც მან ღევანდელ პრესკონფერენციაზე აღნიშნა, ის ძალიან ფრთხილად არჩევს კადრებს, განსაკუთრებით კი, ხელმძღვანელ კადრებს.
მისი თქმით, ბევრი კადრი პირველ ეტაპზე დროებით დაინიშნა.
"ბევრი იქნა დროებით დანიშნული. მე მას ძემდეგ შევცვალე ძალიან ბევრი თანამდებობის პირი. მე ახლა ვნიშნავ სტაბილურ კადრებს. რა თქმა უდნა ეს არის ბუნებრივი პროცესი. მე, როგორც მინისტრი ვაკვირდები თანამშრომლებს, ვაკვირდები მათ უნარ-ჩვევებს. ეს არის მუდმივი და განახლებადი პროცესი", - განაცხადა ღარიბაშვილმა.
მისი თქმით, მისთვის პოროვნებებს მნიშვნელობა არ აქვს, რადგან ის არჩევს კადრებს, პროფესიონალებს და ამაში უჩვეული არაფერია.
"შევცვალე რამდენიმე სამხარეოს უფროსი. კიდევ ვგეგმავ ცვლილებებს, მაგრამ ეს ნორმალური პროცესია. ყოველთვის ხდებოდა და ყოველთვის მოხდება სამინისტროში", - აღნიშნა ღარიბაშვილმა და დასძინა, რომ სამინისტროს გაჯანსაღება მუდმივად უნდა მოხდეს, რომ გაჯანსაღებას საბოლოოდ მიაღწიონ.