სტრატეგიულად დღეს ბიძინა ივანიშვილს აწყობს მთავრობის დათხოვნა- ამის შესახებ განცხადება ექსპერტმა კახა კახიშვილმა "პრაიმტაიმის" პრესკლუბში დღევანდელ პრესკონფერენციაზე საკონსტიტუციო ცვლილებებთან დაკავშირებით გააკეთა. მისი თქმით, თუ სააკაშვილი დაითხოვს მთავრობას ამას "სერიოზული პროტესტი მოჰყვება საზოგადოების მხრიდან რაც მთლიანად წალეკავს „ნაციონალურ მოძრაობას".
"სააკაშვილისთვის სახიფათოა სარისკო გადაწყვეტილებების მიღება, მაგალითად ისეთი როგორიც არის მთავრობის დათხოვნა. ეს მთავრობა არ არის გილაურის ტიპის მთავრობა. ამ მთავრობას ხელმძღვანელობს ბიძინა ივანიშვილი. მე ვიცი რომ მიშა ვერ გაბედავს ამ მთავრობის დათხოვნას თუ მთავრობა არ მისცეს ამის შესაძლებლობას. სტრატეგიულად ვისაც აწყობს დღეს მთავრობის დათხოვნა ეს არის ბიძინა ივანიშვილი. ამ შემთხვევაში გარანტირებულად, ხალხი ქუჩაში გამოვა და წალეკავს „ნაციონალურ მოძრაობას", -აცხადებს კახიშვილი და დასძენს რომ "არასწორია რომ ეს საკონსტიტუციო ცვლილებები პოლიტიკური ვაჭრობის საგნად იქცა".
"მე ისეთი შთაბეჭდილება მექმნება, რომ ეს კონსტიტუციური ცვლილებები დიდი ფარია და ის სჭირდება ორივე მხარეს, რომ უფრო მნიშვნელობანი საკითხები დარჩეს ყურადღების მიღმა. ჩემი აზრით, ვიაღაცეები ცდილობენ პრემიერის დარწმუნებას, რომ ამას სერიოზული საფრთხეები შეიძლება მოჰყვეს, რომ მერე რაღაც ყურადღება მოიპოვოს. ეს კი თავისთავად აწყობს "ნაციონალურ მოძრაობასაც" და მიდის ამაზე ვაჭრობა" , -აცხადებს კახიშვილი
მასალის გამოყენების პირობები