,,ცხინვალის რეგიონში მავთულხლართების გაბმის პროცესი ჩვენი ხელისუფლების დროს არ დაწყებულა", -განაცხადა შს მინისტრმა ირაკლი Eღარიბაშვილმა და აღნიშნა, რომ ეს პროცესი ჯერ კიდევ ერთი წლის წინ დაიწყო.
,,ამ თემის გარშემო აჟიოტაჟი ატეხეს. გამოვიდა ერთი გუბერნატორი და თქვა, რომ შინაგან საქმეთა სამინისტრო ამ ფაქტს მალავს. მინდა მათ შევახსენო, მავთულხლართების გაბმის პროცესი ერთი წლის წინ არის დაწყებული. ეს არ დაწყებულა ჩვენი ხელისუფლებაში ყოფნის დროს. უნდა ეყოთ უბრალოდ გნებავთ ვაჟკაცობა, გნებავთ გამბედაობა, არ ვიცი კიდევ არ დავარქვა ასეთ საქციელს და ერთხელ მაინც თქვან სიმართლე. ჩვენ ცხრა წლის განმავლობაში ვისმენდით მხოლოდ და მხოლოდ ტყუილს და ესეც იყო ტყუილი, თითქოს ამას ჩვენ ვმალავდით. პირიქით, ჩვენ ამაზე ვმუშაობთ", -განაცხადა ღარიბაშვილმა და აღნიშნა, რომ ამ საკითხის მოსაგვარებლად ჟენევის მოლაპარაკების თანათავმჯდომარეებს შეხვდა.