დღეს, 18 მარტს, ყირგიზეთის ქ. ბიშკეკში დაიწყო ევროპის ეკონომიკური კომისიის მიწის ადმინისტრირების სამუშაო ჯგუფის (UNECE WPLA) მე-8 სესია და მსოფლიო ბანკის და მიწის ადმინისტრირების სამუშაო ჯგუფის ერთობლივი საერთაშორისო სემინარი თემაზე „მიწის ადმინისტრირება ცენტრალურ აზიაში: სისტემების განვითარება 21-ე საუკუნის გამოწვევების საპასუხოდ".
სემინარი დაეთმობა ცენტრალურ აზიაში მიწის ადმინისტრირების ძირითადი საკითხების, კადასტრისა და უძრავი ქონების სისტემების, გეოინფორმაციული სისტემების განხილვას და მიწის რეგისტრაციის ძირითად საერთაშორისო მიმართულებებს.
საქართველოდან სემინარში მონაწილეობას იღებს საჯარო რეეესტრის ეროვნული სააგენტოს საერთაშორისო ორგანიზაციებთან ურთიერთობის სამსახურის უფროსი ეკა მესხიძე და იურიდიული სამსახურის მთავარი სპეციალისტი მანუჩარ ჭუმბურიძე.
სემინარი 21 მარტს დასრულდება.
