დღეს, 18 მარტს, ევროკავშირთან ასოცირების შეთანხმების ხელშეკრულების საკითხზე საპარლამენტო კომიტეტები სპეციალურ, დახურულ სხდომას გამართავენ. ევროპასთან ინტეგრაციის , საგარეო ურთიერთობათა და თავდაცვისა და უშიშროების კომიტეტების წევრები მოლაპარაკებებში ჩართულ აღმასრულებელი ხელისუფლების წარმომადგენლებს მოუსმენენ.
სხდომაზე მიწვეული არიან საგარეო საქმეთა მინისტრის პირველი მოადგილე დავით ზალკალიანი, ევროინტეგრაციის დეპარტამენტის დირექტორი თეა ახვლედიანი, ევროპულ და ევროატლანტიკურ სტრუქტურებში ინტეგრაციის საკითხთა სახელმწიფო მინისტრის მოადგილე თამარ ბერუჩაშვილი, იუსტიციის მინისტრის მოადგილე გოჩა ლორთქიფანიძე და ეკონომიკისა და მდგრადი განვითარების მინისტრის მოადგილე მიხეილ ჯანელიძე.
შეგახსენებთ, რომ მიმდინარე კვირას ევროკავშირთან ასოცირების შეთანხმების საკითხზე მოლაპარაკებების ბოლო რაუნდი იმართება.
