დღეს, 17 მარტს, დედაქალაქში დღის ბოლოს დასავლეთის მიმართულების ძლიერი ქარია მოსალოდნელი. ამის შესახებ "ჯი-ეიჩ-ენს" ამინდის პროგნოზირებისა და მონიტორინგის ცენტრში განუცხადეს.
სინოპტიკოსების განცხადებით, უახლოესი სამი დღის განმავლობაში ამინდის გაუარესებაა მოსალოდნელი.
18 მარტს დღის პირველ ნახევარში მცირე წვიმაა მოსალოდნელი. ასევე, დღისით იქროლებს დასავლეთის მიმართულების ქარი 25-27მ.წმ. ღამით კი ქარის სიჩქარე 20-25მ/წმ იქნება.
რაც შეეხება 19მარტს, სინოპტიკოსების ვარაუდით, ქარი ჩადგება და მთელი დღის მანძილზე ღრუბლიანობა შენარჩუნდება.
ხოლო შემდეგი 3 დღე უმეტესად უნალექო ამინდებია მოსალოდნელი და ტემპერატურა მოიმატებს.
უახლოესი დღეების განმავლობაში დასავლეთ საქართველოში მოსალოდნელია ტემპერატურის კლება, ხოლო აღმოსავლეთ საქართველოში შედარებით სითბო შენარჩუნდება.
მასალის გამოყენების პირობები
