დიდი ბრიტანეთის პრემიერ-მინისტრს დევიდ კემერონს და საფრანგეთის პრეზიდენტს ფრანსუა ოლანდს გადაწყვეტილი აქვთ, დაარწმუნონ ევროკავშირის წევრი ქვეყნები, მოხსნან ემბარგო სირიელი ამბოხებულებისთვის იარაღის მიწოდებაზე.
ბრიუსელში, ორდღიანი სამიტის წინ, ოლანდმა და კამერონმა შეხვედრა გამართეს, რომლის ფარგლებშიც სირიის საკითხიც განიხილეს.
ბი-ბი-სის ინფორმაცით, ორივე ლიდერი დარწმუნებულია, რომ სირიელი ამბოხებულებისთვის იარაღის მიწოდება - ეს ერთადერთი შესაძლებლობაა, რომლითაც ბაშარ ასადის რეჟიმზე ზეწოლაა შესაძლებელი.
შეგახსენებთ, რომ სირიაში შეიარაღებული დაპირისპირება 2011 წლის მარტში დაიწყო. ამ ხნის განმავლობაში დაღუპულია 70 ათასამდე ადამიანი, ხოლო სამშობლოდან გახიზნულია მილიონზე მეტი სირიელი.
