აჭარის არ სამთავრობო დელეგაცია არჩილ ხაბაძის მეთაურობით თურქეთის რესპუბლიკაში ოფიციალურ ვიზიტს განაგრძობს. მთავრობის თავმჯდომარემ პირველი შეხვედრა ანკარაში თურქეთის მეჯლისში გამართა. იგი საქართველო-თურქეთის პარლამენტთაშორისი მეგობრობის ჯგუფის თავმჯდომარეს შეხვდა. არჩილ ხაბაძემ და ხუსეინ შაჰინმა ქვეყნებს შორის მიმდინარე და განსახორციელებელი პროექტები განიხილეს. საუბარი შეეხო აჭარაში მეჩეთის მშენებლობას. პარლამენტაშორისი მეგობრობის ჯგუფის თავმჯდომარემ არჩილ ხაბაძეს მშენებლობისთვის ტერიტორიის გამოყოფა სთხოვა. მთავრობის თავმჯდომარის განცხადებით ამ საკითხთან დაკავშირებით მოლაპარაკებები მიმდინარეობს და საბოლოო გადაწყვეტილება ურთიერთშეთანხმების გზით იქნება მიღებული.
ქართულმა დელეგაციამ შეხვედრა გამართა საერთაშორისო თანამშრომლობისა და განვითარების სააგენტო - "თიკას" პრეზიდენტთან. თურქული სააგენტო ქართველი სტუდენტებისთვის და სამედიცინო სფეროს წარმომადგენლებისთვის კვალიფიკაციის ასამაღლებელ კურსებს გეგმავს. ქართულმა მხარემ „თიკას" პრეზიდენტს ბათუმის ინფექციური საავადმყოფოს ერთობლივი რეაბილიტაცია შესთავაზა.
მოგვიანებით არჩილ ხაბაძემ თურქეთის საგარეო საქმეთა მინისტრთან დახურულ კარს მიღმა შეხვედრა გამართა. ახმედ დაღუთუღლუ ბათუმს მარტში ეწვევა.
