საქართველოსა და ხორვატიის საგარეო საქმეთა მინისტრებს მაია ფანჯიკიძესა და ვესნა პუსიჩს შორის მილოცვის წერილები გაიცვალა.
საგარეო საქმეთა სამინისტროს ინფორმაციით, მინისტრებმა წერილები საქართველოსა და ხორვატიის რესპუბლიკას შორის დიპლომატიური ურთიერთობების დამყარების 20 წლისთავთან დაკავშირებით გაცვალეს.
საგარეო უწყების ხელმძღვანელთა წერილებში საქართველოსა და ხორვატიის რესპუბლიკას შორის არსებული ორმხრივი თანამშრომლობის განვითარების პოზიტიური დინამიკაა აღნიშნული.
წერილებში მხარეთა მიერ, ასევე ორ ქვეყანას შორის არსებული ურთიერთობების გაღრმავების მნიშვნელობა მრავალმხრივ ფორმატში და ხორვატიის მხრიდან ევროპულ და ევრო-ატლანტიკურ სტრუქტურებში ინტეგრაციის გზაზე საქართველოს მხარდაჭერაა ხაზგასმული.
