წმინდა საყდარმა რომის ახალი პაპის სახელი დააზუსტა. პაპს ფრანცისკო ერქმევა და არა ფრანსისკო I, როგორც ამის შესახებ მისი არჩევის შემდეგ ითქვა და დაიწერა.
ვატიკანის ოფიციალურმა წარმომადგენელმა ფედერიკო ლომბარდიმ განმარტა, რომ კარდინალმა ჟან-ლუი ტორმანმა, რომელმაც გამოაცხადა ახალი პონტიფიკის სახელი, მას "ფრანცისკო" უწოდა, ყოველგვარი ნუმერაციის გარეშე.
სწორედ ამ სახელით ჩაიწერა ვატიკანის ბიულეტენში ახალი პაპი.
"ის ფრანცისკო I მას შემდეგ გახდება, როდესაც გამოჩნდება ფრანცისკო II", - განაცხადა ლომბარდიმ.
შეგახსენებთ, რომ რომის ახალი პაპი ბუენოს-აირესის არქიეპისკოპოსი, ხორხე მარიო ბერგოლო გახდა. ახალი პაპის სახელი ფრანცისკო იქნება. ამის შესახებ არქიეპისკოპოსმა ჟან-ლუი ტორანომ წმინდა პეტრეს ტაძრის აივნიდან გამოაცხადა. მსოფლიო მედია ტრანსლაციას პირდაპირ ეთერში გადასცემდა.
მცირე ხნით ადრე კი, სიქსტის კაპელას საკვამურიდან თეთრი კვამლი ამოვიდა: ეს იმას ნიშნავდა, რომ ბოლოს და ბოლოს პონტიფიკი აირჩიეს. საერთო ჯამში, კარდინალებს ხუთი კენჭისყრის ჩატარება მოუწიათ.
ხორხე მარიო ბერგოლო 1936 წელს, არგენტინაში დაიბადა. მამამისი იტალიელი იყო და არგენტინაში რკინიგზის მუშად მსახურობდა. ახალი პაპი ესპანურად და იტალიურად საუბრობს.
