სანდასუფთავების მოსაკრებელი მოსახლეობისთვის 50 თეთრით მცირდება. დღეს, აღნიშნულ საკითხთან დაკავშირებით საკრებულოს თავმჯდომარემ, მერიის შესაბამისი სამსახურების ხელმძღვანელებთან ერთად, ბრიფინგი გამართა.
როგორც ბრიფინგზე განაცხადეს, გადაწყვეტილება მოსახლეობის სოციალური მდგომარეობის გათვალისწინებით იქნა მიღებული. სპეციალისტების განმარტებით, ტარიფის შემცირება მოსაკრებლის ამოღებაზეც დადებითად აისახება.
მოქალაქეებს, რომელთაც დავალიანება გააჩნიათ, ვალის დაფარვა ახალი ტარიფით შეეძლებათ.
ამ ეტაპზე მიმდინარეობს მუშაობა ორგანიზაციების, დაწესებულებებისა და სხვა იურიდიული პირებისთვის დასუფთავების მოსაკრებლის არსებული ტარიფის შემცირებაზე.
დღეისათვის სანდასუფთავების მოსაკრებლისგან გათავისუფლებულები არიან 7-სულიანი ოჯახები, პირველი ჯგუფის უსინათლოები, ომის ვეტერანები და მარტოხელა დედები.
