აჭარის მთავრობის თავმჯდომარე არჩილ ხაბაძე რიზეს გუბერნატორს ნურულაჰ ჩაქირს შეხვდა. მხარეებმა ახალი ტურისტული პაკეტების შემუშავებაზე, ეკონომიკურ თანამშრომლობასა და სტუდენტების გაცვლით პროგრამებზე ისაუბრეს.
მოგვიანებით მთავრობის თავმჯდომარემ დელეგაციის წევრებთან ერთად რიზეს უნივერსიტეტი მოინახულა. არჩილ ხაბაძე უნივერსიტეტის რექტორს არიქ ილმაზსა და ქართველ სტუდენტებს შეხვდა. ართვინში 49 ქართველი სტუდენტი იღებს განათლებას. მთავრობის თავმჯდომარის გარდა შეხვედრას აჭარის ჯანდაცვის მინისტრი ნუგზარ სურმანიძე ესწრებოდა. მინისტრის განცხადებით სამედიცინო ფაკულტეტზე მყოფი წარმატებული სტუდენტები, აჭარის რეგიონში სამომავლოდ საკუთარი პროფილით დასაქმდებიან.
